«Qazgıdromet» RMK málimetinshe, 23 jeltoqsanda el aýmaǵynyń basym bóliginde aýa raıy qolaısyz bolady. Birqatar óńirlerde tuman túsip, kóktaıǵaq jáne burqasyn kútiledi, al keı aımaqtarda jel kúsheıedi, dep habarlaıdy Dalanews.kz.
Jetisý oblysynyń shyǵysyndaǵy taýly aýdandarda tuman men kóktaıǵaq boljanyp otyr. Alakól kólderi aýdanynda soltústik-shyǵystan soǵatyn jeldiń ekpini 15–20 m/s-ke jetip, keı ýaqytta 23–28 m/s-ke deıin kúsheıýi múmkin.
Túrkistan oblysynyń ońtústigi men batysynda, sondaı-aq taýly aýdandarda tuman kútiledi. Shymkent pen Túrkistan qalalarynda da keı ýaqyttarda tuman bolady.
Mańǵystaý, Qyzylorda jáne Jambyl oblystarynda tuman men kóktaıǵaq boljanýda. Aqtaý, Qyzylorda jáne Taraz qalalarynda joldarda kóktaıǵaq bolýy múmkin.
Aqmola, Qostanaı, Soltústik Qazaqstan, Qaraǵandy, Pavlodar, Ulytaý jáne Batys Qazaqstan oblystarynda qar jaýady. Keı óńirlerde jeldiń ekpini 20–25 m/s-ke deıin kúsheıedi. Kókshetaý, Qostanaı, Petropavl jáne Oral qalalarynda da qolaısyz aýa raıy kútiledi.
Atyraý jáne Aqtóbe oblystarynda túngi jáne tańǵy ýaqytta tuman men kóktaıǵaq bolady. Al Abaı jáne Shyǵys Qazaqstan oblystarynda jaıaý burqasyn men tuman kútiledi.
Almaty oblysynyń ońtústigi men taýly aýdandarynda, sondaı-aq Almaty jáne Qonaev qalalarynda keı ýaqytta tuman túsip, joldarda kóktaıǵaq bolýy yqtımal. Astanada da joldarda kóktaıǵaq kútiledi, jel ekpini 15–20 m/s-ke deıin jetedi.
