«قازگيدرومەت» رمك مالىمەتىنشە، 23 جەلتوقساندا ەل اۋماعىنىڭ باسىم بولىگىندە اۋا رايى قولايسىز بولادى. ءبىرقاتار وڭىرلەردە تۇمان ءتۇسىپ، كوكتايعاق جانە بۇرقاسىن كۇتىلەدى، ال كەي ايماقتاردا جەل كۇشەيەدى، دەپ حابارلايدى Dalanews.kz.
جەتىسۋ وبلىسىنىڭ شىعىسىنداعى تاۋلى اۋدانداردا تۇمان مەن كوكتايعاق بولجانىپ وتىر. الاكول كولدەرى اۋدانىندا سولتۇستىك-شىعىستان سوعاتىن جەلدىڭ ەكپىنى 15–20 م/س-كە جەتىپ، كەي ۋاقىتتا 23–28 م/س-كە دەيىن كۇشەيۋى مۇمكىن.
تۇركىستان وبلىسىنىڭ وڭتۇستىگى مەن باتىسىندا، سونداي-اق تاۋلى اۋدانداردا تۇمان كۇتىلەدى. شىمكەنت پەن تۇركىستان قالالارىندا دا كەي ۋاقىتتاردا تۇمان بولادى.
ماڭعىستاۋ، قىزىلوردا جانە جامبىل وبلىستارىندا تۇمان مەن كوكتايعاق بولجانۋدا. اقتاۋ، قىزىلوردا جانە تاراز قالالارىندا جولداردا كوكتايعاق بولۋى مۇمكىن.
اقمولا، قوستاناي، سولتۇستىك قازاقستان، قاراعاندى، پاۆلودار، ۇلىتاۋ جانە باتىس قازاقستان وبلىستارىندا قار جاۋادى. كەي وڭىرلەردە جەلدىڭ ەكپىنى 20–25 م/س-كە دەيىن كۇشەيەدى. كوكشەتاۋ، قوستاناي، پەتروپاۆل جانە ورال قالالارىندا دا قولايسىز اۋا رايى كۇتىلەدى.
اتىراۋ جانە اقتوبە وبلىستارىندا تۇنگى جانە تاڭعى ۋاقىتتا تۇمان مەن كوكتايعاق بولادى. ال اباي جانە شىعىس قازاقستان وبلىستارىندا جاياۋ بۇرقاسىن مەن تۇمان كۇتىلەدى.
الماتى وبلىسىنىڭ وڭتۇستىگى مەن تاۋلى اۋداندارىندا، سونداي-اق الماتى جانە قونايەۆ قالالارىندا كەي ۋاقىتتا تۇمان ءتۇسىپ، جولداردا كوكتايعاق بولۋى ىقتيمال. استانادا دا جولداردا كوكتايعاق كۇتىلەدى، جەل ەكپىنى 15–20 م/س-كە دەيىن جەتەدى.
