14 shildede Astanada sońǵy 34 jyldaǵy eń joǵary aýa temperatýrasy tirkeldi, dep habarlaidy dalanews.kz.
«Qazgidromet» málimetinshe, elordada aýa temperatýrasy +38,6 gradýsqa deiin kóterilip, osy kúnge qatysty burynǵy rekordtan 3,3 gradýsqa asyp tústi.
Buǵan deiin 14 shildedegi eń joǵary temperatýra +35,3 gradýs bolyp, 1992 jyly tirkelgen edi. Osylaisha 34 jyl burynǵy rekord jańardy.
Sinoptikterdiń aitýynsha, aptap ystyq aldaǵy kúnderi de Qazaqstannyń birqatar óńirinde saqtalady. Ásirese eldiń ońtústiginde aýa temperatýrasy +41…+46 gradýsqa deiin kóterilýi múmkin.
Aita keteiik, biyl Astanada aýa raiyna qatysty taǵy bir tarihi kórsetkish tirkelgen bolatyn. 23 maýsymda elordada sońǵy 85 jyldaǵy osy kúnge tán eń joǵary temperatýra jańarǵan edi.
