Astanada Qytai Halyq Respýblikasynyń Memlekettik keńesi Baspasóz keńsesi, Qytai halyqaralyq baspa toby jáne Qytaidyń Qazaqstandaǵy elshiligi birlesip, QHR Tóraǵasy Si Tszinpinniń «Memlekettik basqarý týraly» kitabynyń besinshi tomynyń qazaq oqyrmandaryna arnalǵan tanystyrylymyn ótkizdi, dep habarlaidy dalanews.kz.
Is-sharaǵa memlekettik organdardyń ókilderi, diplomattar, sarapshylar qaýymdastyǵy, ǵylym jáne mádeniet qairatkerleri, sondai-aq buqaralyq aqparat quraldarynyń ókilderi qatysty.
Tanystyrylym barysynda uiymdastyrýshylar besinshi tomǵa Qytai tóraǵasy Si Tszinpinniń 2022 jyldyń mamyrynan 2024 jyldyń jeltoqsanyna deiingi kezeńde jazylǵan 91 mańyzdy eńbegi engizilgenin atap ótti. Onda Qytaidy jańǵyrtýdyń jańa kezeńdegi teoriiasy men tájiribesi, sondai-aq adamzattyń ortaq taǵdyry qaýymdastyǵyn qalyptastyrý jónindegi kózqarastary júielengen.
Baiandamashy Qazaqstan men Qytaidyń tarihi bailanysyna toqtalyp, eki eldiń búginde modernizatsiia jolyndaǵy senimdi serikteske ainalǵanyn aitty.
«Qytai men Qazaqstandy ortaq taýlar men ózender bailanystyrady. Eki el ejelden tatý kórshi ári senimdi dos. Búginde Qytai men Qazaqstan damý men jańǵyrýdyń mańyzdy kezeńinde tur jáne modernizatsiia jolyndaǵy seriktes elder bolyp sanalady», - dedi ol.
Sonymen qatar Qytaidyń memlekettik basqarý tájiribesinde halyqtyń ál-aýqatyn arttyrý basty qaǵida ekeni erekshe atap ótildi.
«Qytai modernizatsiiasynyń basty ereksheligi halyqtyń turmysyn jaqsartýǵa basymdyq berýinde. Damý halyq úshin jáne halyqtyń qatysýymen júzege asyrylady. Onyń nátijesin de halyq kórýi tiis. “Halyq bárinen biik” qaǵidasy Qytai modernizatsiiasynyń ózegine ainaldy», - dep málimdedi baiandamashy.
Kezdesý barysynda Qazaqstan men Qytai arasyndaǵy «Bir beldeý, bir jol» bastamasy aiasyndaǵy yntymaqtastyqqa da erekshe nazar aýdaryldy. Aitylǵandai, Qazaqstan bastama júzege asyrylyp jatqan eń belsendi memleketterdiń birine ainaldy.
«Jýyrda aiaqtalǵan Astanadaǵy jeńil relsti kólik jobasy Qytai men Qazaqstannyń “Bir beldeý, bir jol” aiasyndaǵy yntymaqtastyǵynyń mańyzdy nátijesi ǵana emes, qala turǵyndarynyń ómir sapasyn jaqsartatyn ári óńir ekonomikasynyń damýyna serpin beretin joba boldy», - dedi spiker.
Baiandamashy aldaǵy ýaqytta eki eldiń jasandy intellekt, tsifrlyq ekonomika jáne aqyldy qalalar baǵytyndaǵy seriktestigi kúsheietinin jetkizdi.
Ekologiialyq yntymaqtastyq máselesine de toqtalǵan ol Qazaqstanda Qytaidyń qatysýymen júzege asyrylyp jatqan jańartylatyn energiia kózderi jobalaryn mysalǵa keltirdi.
«Qazaqstanda Túrkistan oblysyndaǵy 300 megavattyq kún elektr stantsiiasy men Qaraǵandy oblysyndaǵy 500 megavattyq jel elektr stantsiiasy siiaqty iri jobalar iske qosyldy. Qazaqstan qalalarynyń kóshelerinde qytailyq elektr kólikteri de kóbeiip keledi. Bul bizdiń jasyl damý salasyndaǵy yntymaqtastyǵymyzdyń naqty nátijesi», - dedi ol.
Sondai-aq mádeni-gýmanitarlyq bailanystardyń da qarqyndy damyp kele jatqany aityldy. Spiker Beijiń men Astanadaǵy mádeni ortalyqtardyń, Konfýtsii institýttarynyń jáne «Lý Ban sheberhanalarynyń» eki halyq arasyndaǵy ózara túsinistikti nyǵaitýǵa úles qosyp otyrǵanyn atap ótti.
Is-shara sońynda besinshi tomnyń jaryq kórýi Qazaqstan men Qytai arasyndaǵy memlekettik basqarý tájiribesimen almasýdy tereńdetýge, mádeni bailanystardy nyǵaitýǵa jáne eki el dostyǵynyń jańa kezeńine jol ashatyny aityldy.
