Air Astana kompanıasyndaǵy brıtandyq BAE Systems korporasıasy óz úlesiniń jartysyna jýyǵyn satýdy josparlap otyr. Bul mámile júzege assa, korporasıanyń úlesi shamamen 9%-ǵa deıin tómendeýi múmkin, dep habarlaıdy Dalanews.kz.

Eske salaıyq, BAE Systems 2024 jyly ótken IPO-dan keıin Air Astana-daǵy úlesin 49%-dan 16,95%-ǵa deıin qysqartqan bolatyn. 17 jeltoqsanda áýe kompanıasy brıtandyq aksıonerdiń úlesi azaıatynyn resmı túrde rastady.

Soǵan qaramastan, sarapshylar BAE Systems Air Astana-nyń ekinshi iri aksıoneri mártebesin saqtap qalady dep boljap otyr. Qazirgi kezde eń iri úleske «Samuryq-Qazyna» qory ıe (41%), al úshinshi orynda BJZQ (6,51%).

IPO-dan keıin Air Astana-nyń menshik qurylymy edáýir ózgerip, aksıalarynyń qomaqty bóligi qor naryǵynda erkin aınalymǵa shyqqan.