Braziliialyq mamandar apatqa ushyraǵan AZAL ushaǵynyń qara jáshikterin zertteýge kiristi, - dep habarlaidy Dalanews.kz.
Sputnik Azerbaidjan málimetinshe, taldaý Qazaqstan, Ázerbaijan jáne Resei tergeýshileriniń qatysýymen júrgiziledi.
"Bolǵan oqiǵany modeldeý jáne qaiǵyly jaǵdaidyń sebepterin anyqtaý úshin virtýaldy shyndyqty qoldana otyryp grafikalyq qaita qurý josparlanyp otyr", - dep jazylǵan aqparatta.
Aita keteiik, 25 jeltoqsanda jergilikti ýaqyt boiynsha 11.30-da Aqtaý mańynda Bakýden Groznyiǵa ushyp bara jatqan ushaq apatqa ushyrady. Bul - Azerbaijan Airlines áýekompaniiasyna tiesili Embraer 190 ushaǵy.
Aqparat boiynsha ushaq bortynda 67 adam, onyń ishinde 5 ekipaj múshesi bolǵan.
Apattan 6 qazaqstandyq kóz jumdy. Jalpy qaza tapqandar sany - 38. Qaiǵyly oqiǵadan 29 adam aman qaldy.
Keiinirek Chikago konventsiiasynyń 13-qosymshasyna sáikes Qazaqstan Ázerbaijan men Reseidiń aviatsiialyq organdarymen aqyldasqan soń, QR Kólik ministri Marat Qarabaev basqaratyn komissiia Embraer ushaǵynyń qara jáshigin Braziliiadaǵy CENIPA ortalyǵyna jiberý týraly sheshim qabyldady.
