برازيليالىق ماماندار اپاتقا ۇشىراعان AZAL ۇشاعىنىڭ قارا جاشىكتەرىن زەرتتەۋگە كىرىستى، - دەپ حابارلايدى Dalanews.kz.
Sputnik ازەربايدجان مالىمەتىنشە، تالداۋ قازاقستان، ازەربايجان جانە رەسەي تەرگەۋشىلەرىنىڭ قاتىسۋىمەن جۇرگىزىلەدى.
"بولعان وقيعانى مودەلدەۋ جانە قايعىلى جاعدايدىڭ سەبەپتەرىن انىقتاۋ ءۇشىن ۆيرتۋالدى شىندىقتى قولدانا وتىرىپ گرافيكالىق قايتا قۇرۋ جوسپارلانىپ وتىر"، - دەپ جازىلعان اقپاراتتا.
ايتا كەتەيىك، 25 جەلتوقساندا جەرگىلىكتى ۋاقىت بويىنشا 11.30-دا اقتاۋ ماڭىندا باكۋدەن گروزنىيعا ۇشىپ بارا جاتقان ۇشاق اپاتقا ۇشىرادى. بۇل - Azerbaijan Airlines اۋەكومپانياسىنا تيەسىلى ەمبراەر 190 ۇشاعى.
اقپارات بويىنشا ۇشاق بورتىندا 67 ادام، ونىڭ ىشىندە 5 ەكيپاج مۇشەسى بولعان.
اپاتتان 6 قازاقستاندىق كوز جۇمدى. جالپى قازا تاپقاندار سانى - 38. قايعىلى وقيعادان 29 ادام امان قالدى.
كەيىنىرەك چيكاگو كونۆەنسياسىنىڭ 13-قوسىمشاسىنا سايكەس قازاقستان ازەربايجان مەن رەسەيدىڭ اۆياسيالىق ورگاندارىمەن اقىلداسقان سوڭ، ق ر كولىك ءمينيسترى مارات قارابايەۆ باسقاراتىن كوميسسيا Embraer ۇشاعىنىڭ قارا جاشىگىن برازيلياداعى CENIPA ورتالىعىنا جىبەرۋ تۋرالى شەشىم قابىلدادى.
