Búgin Tasqala aýdanynda kópten kútilgen 320 oryndyq sý jańa deneshynyqtyrý-saýyqtyrý kesheniniń saltanatty ashylý rásimine aýdan ákiminen bastap, aýdan halqy kóptep qatysty, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Sharaǵa shaqyrylǵan BQO oblys ákiminiń orynbasary Qaiyrjan Meńdiǵaliev pen qurylysqa tapsyrys berýshi – "Qarashyǵanaq petroleým opereiting" b.v. kompaniiasy bas direktorynyń orynbasary Muhtar Mankeev sóz sóilep, jinalǵandardy keshenniń ashylýymen quttyqtady.
– Bul jańa sport kesheni aýdan turǵyndaryna sporttyń kez kelgen túrimen ainalysýǵa úlken múmkindik beredi. Iaǵni, salaýatty ómir saltyn qalyptastyra otyryp, sportqa talanty bar bolashaq chempiondardy daiyndap shyǵarýǵa úles qosatyn oryn bolmaq, – dedi Qaiyrjan Ermekuly.
Odan ári sóz alǵan Muhtar Naýryzbaiuly men jergilikti sport ardagerleri Telman Mashirov jáne Qýat Mýsin aýdan turǵyndaryn aitýly merekemen quttyqtady. Óz kezeginde Qýat Naýryzuly sport quraldaryn alý úshin sport ardagerleri atynan 100 myń teńgeniń sertifikatyn tabystady.
Shara barysynda «QS Capital Construction» JShS merdigerlik kompaniiasynyń direktory Myrzabek Abdeshev aýdandyq mádeniet, tilderdi damytý deneshynyqtyrý jáne sport bóliminiń basshysy Muhtar Tańatjanulyna jańa ǵimarattyń kiltin tabys etti.
Saltanatty jiyn deneshynyqtyrý saýyqtyrý kesheniniń lentasyn qiiý rásimimen jalǵasty. Bul mańyzdy rásimge atqaminerlermen qatar, kúresten álem chempiony Baýyrjan Mambetov pen Keńes Odaǵynyń batyry, tasqalalyq S.Jaqsyǵulov atyndaǵy qazaq kúresi týrniriniń alǵashqy chempiony Erbolat Júsipov qatysty. Osy jerde shashý shashylyp, án shyrqaldy.
Sharaǵa qatysýshylar jańa sport keshenimen tanysty. Ǵimarat zamanaýi sporttyq quraldarmen jabdyqtalǵan, jattyqtyrýshylar bólmesi, trenajer zaly meditsinalyq kabinet, gimnastika, kúres zaldary, fýtbol, voleibol, basketbol oinaityn alańdary bar.
