Syrym aýdanynda stýdenttik qurylys jasaǵy jumysyn bastady. Qazirgi tańda Jympity, Buldyrty, Óleńti jáne Kózdiǵara aýyldarynda úii tasqynnnan zardap shekken turǵyndar úshin 114 jańa baspana boi kóterýde. Qurylys jasaǵyndaǵy 50 stýdent jaz boiy qonystoidy jaqyndatýǵa úles qospaq.
Aýyldaǵy jumyssyz jastar úshin igilikti jobany usynǵan - “Aýyl» halyqtyq-demokratiialyq patriottyq partiiasy.
Búgin Jympityda eńbek sarbazdaryn saltanatty qatarǵa qabyldaý sharasy ótti.
Sharaǵa Syrym aýdanynyń ákimi Jumageldi Batyrniiazov, «Aýyl» partiiasy Tóraǵasynyń orynbasary Qairat Aitýǵanov, Batys Qazaqstan oblysy Qoǵamdyq damý basqarmasy basshysynyń orynbasary Medhat Qambetov qatysty.
“Aýyl” partiiasynyń jańa jobasynyń Syrym aýdanynda bastaý alǵanyna qýanyshtymyz. Bul joba jastardy eńbekke baýlyp, halyqtyń muń-muqtajyn ishten sezinip, Otanǵa degen súiispenshilikteriniń arta túsýine ońynan áser etedi dep senemin. Baspanasyz qalǵan azamattar jyly uialarymen tezirek qaýyshýyna tilektespiz. Halqymyzdyń ár azamaty qolynan kelgenshe osy jolda qyzmet etsin! - dedi aýdan ákimi Jumageldi Batyrniiazov.
Qurylys jasaǵynyń qararyn komandir Meirambek Batyrgereev tapsyrdy. Belsendi stýdent Áset Myrzaǵaliev qatarlastaryn jaýapty jumys atqarýǵa shaqyrdy.
Aita keteiik, “Aýyl” partiiasynyń janyndaǵy jastar qanaty tótenshe jaǵdai ýaǵynda halyqpen birge boldy.
- Tótenshe jaǵdai jariialanǵan kúnnen bastap óńirlik partiia filialynyń ujymy jáne «Aýyl jastary» qanatynyń 70 - ten astam eriktileri bóget jumystaryn júrgizýge, apat saldaryn joiýǵa barynsha atsalysty. Partiia tarapynan eriktiler quramy jasaqtalyp, keń kólemde gýmanitarlyq kómek uiymdastyryldy. Bizdiń jastarymyzdyń bastamasymen óńirimizge eki júk kóligimen 25 tonnadan astam gýmanitarlyq kómek jetkizilip, sý tasqynynan zardap shekken turǵyndarǵa taratyldy. - deidi jastar qanatynyń tóraǵasy Dáýren Rahymbek.
Jas qurylysshylar saltanatty jiynnan keiin tike qurylys nysandaryna attanyp, jumys kúnin bastap ta ketti. Syrym aýdanynyń ákimi Jumageldi Joldybaiuly “Aýyl” partiiasynyń ókilderimen birge saltanatty kirpish qalaýǵa qatysty.
Baýyrjan ShIRMEDINULY,
Syrym aýdany
