27 naýryz kúni Batys Qazaqstan oblysynyń Qaratóbe aýdany Qorjyn aýyly tasqyn sýdyń astynda qaldy. Oblys ákimi Nariman Tóreǵaliev Tótenshe jaǵdailar departamentiniń mamandarymen birge tikushaqpen atalǵan eldi-mekenge baryp, turǵyndardy qutqarý jumystaryna jetekshilik etti.
Óńir basshysy aýyl halqymen kezdesip, olarǵa memleket tarapynan kómek kórsetiletinin aitty.
“Barshalaryńyzdy sabyrǵa shaqyramyn. Tabiǵi apat saldarynan oblystyń birneshe aýdandary zardap shegýde. Sizderge kelgen shyǵyn boiynsha arnaiy komissiia qurylady. Keltirilgen zalaldyń bári esepteledi.
Memleket tarapynan tiisti kómek beriledi. Qazir sizderdi tótenshe jaǵdailar qyzmetiniń mamandarymen birge sý tasqynynan qutqarýǵa keldik. Tikushaqpen barshańyzdy aýdan ortalyǵy Qaratóbege, qaýipsiz jerge jetkizemiz.”-dedi oblys ákimi.
Birinshi kezekte balalar men áielder, densaýlyǵy nashar jáne múgedektigi bar jandar jetkizildi.
Atap óterligi, Batys Qazaqstan oblysyndaǵy sý tasqynyn aldyn alýǵa kórshi oblystardan mamandar men kúsh quraldary jumyldyryldy.
