Batys Qazaqstan oblysynyń ákimi Nariman Tóreǵaliev Syrym aýdanynda órtten qaza bolǵan balalardyń ata-analary men jaqyndaryna kóńil aitty,- dep habarlaidy Dalanews.kz
Syrym aýdanynda órt saldarynan bes bala qaza tapqan bolatyn.
– Syrym aýdanynda qaza tapqan balalardyń ata-analary men jaqyndaryna qaiǵylaryna ortaqtasyp, kóńil aitamyn. Meniń tapsyrmam boiynsha oqiǵa ornyna orynbasarym bardy, aýdan ákimi oqiǵa ornynda, barlyq qajetti qyzmetterdiń jumysyn úilestirip jatyr.
Ákimdik tarapynan barlyq qajetti kómek kórsetiledi: jerleý rásimin uiymdastyrý, psihologiialyq kómek kórsetý, baspanamen qamtamasyz etý jáne ózge de áleýmettik qoldaý sharalary.
Qazirgi ýaqytta oqiǵa ornynda TJD mamandary, politsiia departamentiniń qyzmetkerleri, meditsina qyzmetkerleri jáne basqa da tiisti qyzmet ókilderi jumys isteýde. Jaǵdai meniń jiti baqylaýymda, – dedi oblys basshysy.
Eske salaiyq, Batys Qazaqstan oblysy Tótenshe jaǵdailar departamentiniń 112 pýltine Syrym aýdany Jympity aýylynda Saǵyrbaev kóshesinde jeke turǵyn úi órtenip jatqany týraly habarlama túsken.
"Órt sóndirýshiler oqiǵa ornyna qońyraý túskennen keiin 5 minýttan keiin jetti. 30 sharshy metr aýmaqta zattar men jihaz janyp jatqan Qutqarýshylar bes balany es-tússiz kúide tapty. Ókinishke qarai, balalar aýrýhanada qaitys boldy", - dedi TJD ókilderi.
