BQO politsiia departamentiniń ekstremizmge qarsy is-qimyl basqarmasy men Syrym aýdandyq politsiia bóliminiń qyzmetkerleri birlesip júrgizgen jedel izdestirý is-sharalary nátijesinde 2 aýyl turǵyny qarý men esirtki zattaryn zańsyz saqtaǵany úshin ustaldy,- dep habarlaidy Dalanews.kz
Olardyń bireýinen tirkelmegen tegis uńǵyly ańshylyq myltyq, 6 oq-dári, qorada jasyrylǵan jasyl tústi, untaqtalǵan ósimdik tektes (esirtkige uqsas) 500 gramnan astam zat, qoldanylǵan 6 shprits pen plastik bótelke tabyldy.
Ekinshisiniń úiinen gazetke oralǵan ósimdik tektes zat, aýlasynan taǵy 3 paket, ósimdik zaty bar 3 shprits, esirtkini daiyndaýǵa jáne tutynýǵa arnalǵan arnaiy qurylǵylar shyqty.
– Atalǵan derek boiynsha qylmystyq is qozǵaldy. Barlyq tárkilengen zatqa sot-himiialyq jáne ballistikalyq saraptamalar taǵaiyndaldy. Qazirgi ýaqytta esirtki zattarynyń shyǵý kózin anyqtaýǵa baǵyttalǵan tergeý amaldary júrgizilip jatyr, – dep habarlady vedomstvodan.
