BQO ákimi Nariman Tóreǵalievtyń tóraǵalyǵymen investitsiia tartý máselesine arnalǵan keńes ótti,- dep habarlaidy Dalanews.kz
Ekonomikanyń qarqyndy damýy úshin tek memlekettik qarjyǵa súiený jetkiliksiz. Bul Memleket basshysynyń 2024 jylǵy Joldaýynda atap kórsetilgen mańyzdy baǵyttardyń biri. Osy rette jeke investitsiialardy tartý arqyly iskerlik belsendilikti arttyrýdyń mańyzdylyǵy artyp keledi. Oblys ákimi Nariman Tóreǵaliev bul máseleniń kún tártibinen túspeitinin erekshe atap ótti.
“Prezident Qasym-Jomart Toqaev bizge investitsiia tartý boiynsha naqty mindetter júktedi. 2024 jyly jeke investitsiia kólemi 538,5 mlrd teńgeni qurap, bul jalpy investitsiia kóleminiń 75,5%-yn (jalpy investitsiia – 712,9 mlrd teńge) qurady. Aldaǵy ýaqytta jalpy quny 44,5 mlrd teńgeni quraityn 25 investitsiialyq jobany júzege asyrý josparlanyp otyr, bul óz kezeginde 769 jańa jumys ornyn ashýǵa múmkindik beredi. Sondai-aq, 2026-2029 jyldary jalpy quny 2,3 trln teńgeni quraityn 34 investitsiialyq joba iske asyrylyp, 8 myńnan astam jańa jumys orny qurylatyn bolady”, – dep atap ótti óńir basshysy.
Keńes barysynda osy jyly aimaqta investitsiialyq jobalardy júzege asyrýdy josparlap otyrǵan kompaniia basshylary men ókilderi sóz alyp, jobalardyń júzege asyrylý barysy talqylandy. Sonymen qatar, kezdesýde investorlar tarapynan kóterilgen máseleler qaralyp, olardyń sheshý joldary pysyqtaldy.
Oblys basshylyǵy investitsiia tartý baǵytyndaǵy jumystardy júieli túrde jalǵastyryp, investorlarǵa barynsha qolaily jaǵdai jasaýǵa tiisti sala basshylaryna tapsyrma berdi.
