Batys Qazaqstan oblysynyń qoǵamdyq damý basqarmasynyń qoldaýymen «Oral stýdentter Aliansy» Korporativtik qorynyń uiymdastyrýymen «Volonterlik keńistik: damý múmkindikteri men perspektivalary» taqyrybynda Batys Qazaqstan oblysynyń volonterler forýmy ótti.
Forým volonterler men volonterlik uiymdar úshin Batys Qazaqstan oblysynyń aýdandarynan kelgen delegattar, sondai-aq respýblikalyq volonterlerdiń front-ofisi ókilderi qatysqan iri oblystyq is-sharalardyń birine ainaldy.
2 kezeńnen turatyn forýmnyń resmi bóliminde oblystyq qoǵamdyq damý basqarmasynyń basshysy Darhan Qadraliev, «Amanat» partiiasynyń «Jastar rýhy» jastar qanaty Batys Qazaqstan oblystyq filialynyń tóraǵasy Arhat Islamǵali, Batys Qazaqstan oblysy volonterleriniń oblystyq front-ofisiniń jetekshisi, «BQO jastary» volonterlik uiymynyń jetekshisi Ańsar Ibraev,«Oral jastary» volonterlik uiymynyń quryltaishysy, Oral qalasynyń jastarmen jumys jónindegi resýrstyq ortalyǵynyń basshysy Dýlat Júsipqaliev, «Oral stýdentter Aliansy» korporativtik qorynyń direktory Tasbolat Serikqaliev sóz sóilep, forýmnyń jumysyna sáttilik tiledi.
Volonterler forýmy – Qazaqstanda volonterlik qyzmetti damytýǵa baǵyttalǵan iri is-shara. Is-sharanyń 2 kezeńi sektsiialyq otyrystan ótip, qatysýshylar volonterliktiń ózekti máselelerin talqylady. Atap ótsek, «Tótenshe jaǵdaidaǵy volonterlik» taqyrybyndaǵy sektsiialyq otyrysta BQO TJD tótenshe jaǵdailardy joiý basqarmasynyń injeneri azamattyq qorǵaý kapitany Nurjan Qýanov, «Tiimdi komanda qurýdyń zamanaýi tásilderi» taqyrybyndaǵy sektsiialyq otyrysta tájiribeli volonter, kásipker “Dauletten” qaiyrymdylyq qorynyń ókili Musa Kýneev, «Kásibi damý: jeke brendty damytý múmkindikteri» sektsiialyq otyrysynda oblystyq «Kásipodaqtar ortalyǵy janyndaǵy «Keleshek» jastar keńesiniń tóraǵasy, mediatrener, kásipker Ádemi Jarasova óz tájiribelerimen bólisti.
Batys Qazaqstan oblysy volonterler forýmynyń qatysýshylary volonterlik áleýetti arttyrý adamdardyń ómir súrý sapasyn arttyrýǵa, memleketter men jalpy álemniń turaqty jáne úilesimdi damýyna yqpal etetinine senim bildiredi.
