باتىس قازاقستان وبلىسىنىڭ قوعامدىق دامۋ باسقارماسىنىڭ قولداۋىمەن «ورال ستۋدەنتتەر اليانسى» كورپوراتيۆتىك قورىنىڭ ۇيىمداستىرۋىمەن «ۆولونتەرلىك كەڭىستىك: دامۋ مۇمكىندىكتەرى مەن پەرسپەكتيۆالارى» تاقىرىبىندا باتىس قازاقستان وبلىسىنىڭ ۆولونتەرلەر فورۋمى ءوتتى.
فورۋم ۆولونتەرلەر مەن ۆولونتەرلىك ۇيىمدار ءۇشىن باتىس قازاقستان وبلىسىنىڭ اۋداندارىنان كەلگەن دەلەگاتتار، سونداي-اق رەسپۋبليكالىق ۆولونتەرلەردىڭ ءفرونت-وفيسى وكىلدەرى قاتىسقان ءىرى وبلىستىق ءىس-شارالاردىڭ بىرىنە اينالدى.
2 كەزەڭنەن تۇراتىن فورۋمنىڭ رەسمي بولىمىندە وبلىستىق قوعامدىق دامۋ باسقارماسىنىڭ باسشىسى دارحان قادرالييەۆ، «Amanat» پارتياسىنىڭ «جاستار رۋحى» جاستار قاناتى باتىس قازاقستان وبلىستىق فيليالىنىڭ ءتوراعاسى ارحات يسلامعالي، باتىس قازاقستان وبلىسى ۆولونتەرلەرىنىڭ وبلىستىق ءفرونت-وفيسىنىڭ جەتەكشىسى، «بقو جاستارى» ۆولونتەرلىك ۇيىمىنىڭ جەتەكشىسى اڭسار يبرايەۆ،«ورال جاستارى» ۆولونتەرلىك ۇيىمىنىڭ قۇرىلتايشىسى، ورال قالاسىنىڭ جاستارمەن جۇمىس جونىندەگى رەسۋرستىق ورتالىعىنىڭ باسشىسى دۋلات جۇسىپقالييەۆ، «ورال ستۋدەنتتەر اليانسى» كورپوراتيۆتىك قورىنىڭ ديرەكتورى تاسبولات سەرىكقالييەۆ ءسوز سويلەپ، فورۋمنىڭ جۇمىسىنا ساتتىلىك تىلەدى.
ۆولونتەرلەر فورۋمى – قازاقستاندا ۆولونتەرلىك قىزمەتتى دامىتۋعا باعىتتالعان ءىرى ءىس-شارا. ءىس-شارانىڭ 2 كەزەڭى سەكسيالىق وتىرىستان ءوتىپ، قاتىسۋشىلار ۆولونتەرلىكتىڭ وزەكتى ماسەلەلەرىن تالقىلادى. اتاپ وتسەك، «توتەنشە جاعدايداعى ۆولونتەرلىك» تاقىرىبىنداعى سەكسيالىق وتىرىستا بقو تجد توتەنشە جاعدايلاردى جويۋ باسقارماسىنىڭ ينجەنەرى ازاماتتىق قورعاۋ كاپيتانى نۇرجان قۋانوۆ، «ءتيىمدى كوماندا قۇرۋدىڭ زاماناۋي تاسىلدەرى» تاقىرىبىنداعى سەكسيالىق وتىرىستا تاجىريبەلى ۆولونتەر، كاسىپكەر “Dauletten” قايىرىمدىلىق قورىنىڭ وكىلى مۇسا كۋنەيەۆ، «كاسىبي دامۋ: جەكە برەندتى دامىتۋ مۇمكىندىكتەرى» سەكسيالىق وتىرىسىندا وبلىستىق «كاسىپوداقتار ورتالىعى جانىنداعى «كەلەشەك» جاستار كەڭەسىنىڭ ءتوراعاسى، مەدياترەنەر، كاسىپكەر ادەمى جاراسوۆا ءوز تاجىريبەلەرىمەن ءبولىستى.
باتىس قازاقستان وبلىسى ۆولونتەرلەر فورۋمىنىڭ قاتىسۋشىلارى ۆولونتەرلىك الەۋەتتى ارتتىرۋ ادامداردىڭ ءومىر ءسۇرۋ ساپاسىن ارتتىرۋعا، مەملەكەتتەر مەن جالپى الەمنىڭ تۇراقتى جانە ۇيلەسىمدى دامۋىنا ىقپال ەتەتىنىنە سەنىم بىلدىرەدى.
