Memleket basshysy sý tasqynynan zardap shekken turǵyndarǵa tiisti kómek kórsetýdi tapsyrǵan bolatyn.
BQO Báiterek aýdanynda 2 otbasy jáne Terekti aýdanynda 5 otbasy baspanaly boldy.
Báiterek aýdany Dostyq aýylynyń turǵyny Aqmaral Slamǵaliqyzynyń baspanasy sý tasqyny saldarynan jaramsyz bolyp qalǵan. Búgin de Aqmaral Slamǵaliqyzy jańa úiine qonystandy.
«Úsh bólmeli úiim sýǵa ketken bolatyn. Qorqynyshty ýaqytty bastan keshirdik. Alaida Prezidenttiń dalada qalmaisyzdar degen sózi bizge úlken úmit berdi. Alǵysymyz sheksiz. Mine búgin baspanaly bolyp otyrmyz» - dedi ol.
Al, Terekti aýdanyna qarasty Podstepnoe aýylynyń turǵyndary da baspanaǵa qol jetkize bastady.
Júrgizilgen tehnikalyq zertteý nátijesinde Podstepnoe aýyly boiynsha 116 turǵyn úi jaramsyz dep tanylǵan. Qazirgi tańda 106 úidiń qurylysy bastalsa, 10 turǵyn úi satyp alynýda.
Baspanasy sýda qalǵan jandardyń biri – Aigúl Keńesova. Búgin ol alǵashqylardyń biri bolyp, jańa páteriniń kiltin aldy.
«Men osy aýyldyń turǵynymyn. Sý tasqyny kezinde jalǵyz úiim sýǵa ketti. Bul másele kúzge deiin sozylyp kete me degen qorqynysh bolǵan edi. Alaida ákimdik az ǵana ýaqytta bizge páter satyp áperýge yqpal etti. Osylaisha búgin qonys toiyn toilap jatyrmyz. Memleket basshysyna alǵysymdy bildiremin»,- dedi Aigúl Keńesova.
