BQO-da sý tasqynynan zardap shekken aýdan turǵyndaryna baspana berý jalǵasýda

Dalanews 05 maý. 2024 20:12 2878

BQO-da sý tasqynynan zardap shekken aýdan turǵyndaryna baspana berý jalǵasýda, dep habarlaıdy Dalanews.kz. 

Memleket basshysy sý tasqynynan zardap shekken turǵyndarǵa tıisti kómek kórsetýdi tapsyrǵan bolatyn.
BQO Báıterek aýdanynda 2 otbasy jáne Terekti aýdanynda 5 otbasy baspanaly boldy.
Báıterek aýdany Dostyq aýylynyń turǵyny Aqmaral Slamǵalıqyzynyń baspanasy sý tasqyny saldarynan jaramsyz bolyp qalǵan. Búgin de Aqmaral Slamǵalıqyzy jańa úıine qonystandy.

«Úsh bólmeli úıim sýǵa ketken bolatyn. Qorqynyshty ýaqytty bastan keshirdik. Alaıda Prezıdenttiń dalada qalmaısyzdar degen sózi bizge úlken úmit berdi. Alǵysymyz sheksiz. Mine búgin baspanaly bolyp otyrmyz» - dedi ol.


Al, Terekti aýdanyna qarasty Podstepnoe aýylynyń turǵyndary da baspanaǵa qol jetkize bastady.
Júrgizilgen tehnıkalyq zertteý nátıjesinde Podstepnoe aýyly boıynsha 116 turǵyn úı jaramsyz dep tanylǵan. Qazirgi tańda 106 úıdiń qurylysy bastalsa, 10 turǵyn úı satyp alynýda.


Baspanasy sýda qalǵan jandardyń biri – Aıgúl Keńesova. Búgin ol alǵashqylardyń biri bolyp, jańa páteriniń kiltin aldy.

«Men osy aýyldyń turǵynymyn. Sý tasqyny kezinde jalǵyz úıim sýǵa ketti. Bul másele kúzge deıin sozylyp kete me degen qorqynysh bolǵan edi. Alaıda ákimdik az ǵana ýaqytta bizge páter satyp áperýge yqpal etti. Osylaısha búgin qonys toıyn toılap jatyrmyz. Memleket basshysyna alǵysymdy bildiremin»,- dedi Aıgúl Keńesova.


Usynylǵan
Sońǵy jańalyqtar