Batys Qazaqstan oblysy Aqjaiyq aýdany Chapaev aýylynda jańa salynǵan jaiaý júrginshi joly halyqtyń ashý-yzasyn týdyrdy, dep habarlaidy Dalanews.kz.
Turǵyndardyń aitýynsha, merdiger kompaniia qystyń qaq ortasynda qar ústine trotýar salyp ketken.
“Maidan kóshesine túnde kelip, qalai bolsa solai asfalt tósep ketken. Bul aýylǵa, turǵyndarǵa jasalǵan naǵyz nemqurailylyq qoi. Osy jumysty kim qabyldady? “TKSh baqylaý, sapa” degen qurylym rasymen bar ma? Jergilikti ákimdik bul máselege nege kóz juma qarap otyr? Aýylda bir jany ashityn, jaýapkershilik alatyn adam qalmaǵany ma?”, — dep kúiindi video avtory.
Aitýynsha, tóselgen asfalttyń qalyńdyǵy bes santimetrge de jetpeidi.
“Mundai “jóndeýdiń” kóktemge deiin shydaýy ekitalai. Erteń-aq opyrylyp, shanshylyp qalady. Smeta boiynsha munda brýschatka tóselýi kerek bolǵan, alaida onyń ornyna arzan, sapasyz asfalt tósei salǵan.
Bul - biýdjet qarjysyn ashyqtan-ashyq rásýa etý. Qansha qarajat bólindi? Ol aqsha qaida ketti? Ákimdik qaida qarap otyr? Jaýapty merdigerler men qabyldaǵan tulǵalar nege jaýap bermeidi?”, - dedi turǵyn.
