«Aýyldyq densaýlyq saqtaýdy jańǵyrtý» ulttyq jobasy aiasynda Batys Qazaqstan oblysynda alǵashqy meditsinalyq-sanitarlyq kómek nysandarynyń qurylysy belsendi túrde jalǵasýda. 2025 jyly arnaiy memlekettik qordyń qarajaty esebinen óńirde 14 jańa meditsinalyq mekeme boi kóterýde. Onyń 3 jergilikti meditsina qyzmetkerlerine qoldanysqa berildi. Bul jobalar 14 myńnan astam aýyl turǵynyn sapaly meditsinalyq qyzmetpen qamtýǵa múmkindik beredi, - dep habarlaidy Dalanews.kz
Jańa nysandardyń qatarynda — 5 dárigerlik ambýlatoriia, 6 feldsherlik-akýsherlik pýnkt (FAP) jáne 3 meditsinalyq pýnkt bar. Oblystyq densaýlyq saqtaý basqarmasynyń málimetinshe, bul qadamdar shalǵai aýyldarda meditsinalyq qyzmetterdiń qoljetimdiligin arttyryp qana qoimai, jalpy aýyldyq densaýlyq saqtaý júiesin nyǵaitýǵa múmkindik beredi.
Qurylys jumystary aiaqtalýǵa jaqyn dárigerlik ambýlatoriialar kelesi aýyldarda ornalasqan:
- Almaly (Aqjaiyq aýdany, daiyndyq deńgeii – 100%),
- Jeleznovo (Báiterek aýdany, 100%),
- Birlik (Jańaqala aýdany, 100%),
- Ianaikino (Báiterek aýdany, 92%),
- Býldýrta (Syrym aýdany, 55%).
Feldsherlik-akýsherlik pýnktter myna eldi mekenderde salynyp jatyr:
- Aqjaiyq aýdanynyń Qonekketken, Qyrqopa, Janabulaq jáne Bazarsholan aýyldary,
- Bórli aýdanynyń Aqbulaq aýyly,
- Syrym aýdanynyń Shaǵyrloi aýyly.
Bul nysandardyń basym bóligi 80–100% aralyǵynda daiyn.
Meditsinalyq pýnktter Báiterek aýdanynyń Zelenoe jáne Qarajar aýyldarynda, sondai-aq Bórli aýdanynyń Qaraqudyq (Tihonovka) aýylynda salynyp jatyr. Bul pýnktter qosymsha 2 myńǵa jýyq aýyl turǵynyna alǵashqy meditsinalyq kómekti qoljetimdi etpek.
Jergilikti bilik ókilderiniń aitýynsha, bul jobalardy júzege asyrý shalǵaidaǵy jáne az qonystanǵan aýyl turǵyndary úshin sapaly meditsinalyq qyzmetti qoljetimdi etýde asa mańyzdy ról atqarady.
Qazirgi ýaqytta Oral qalasynda 400 oryndyq №8 mekteptiń qurylysy jalǵasýda. Qurylystyń qazirgi oryndalý deńgeii – 45%.
Aimaqtyń áleýmettik infraqurylymyn damytý — aýyl halqynyń ómir súrý sapasyn arttyryp, óńirdiń turaqty damýynyń berik negizin qalyptastyrady. Sarapshylardyń pikirinshe, mundai keshendi sharalar Batys Qazaqstan oblysynyń uzaq merzimdi órkendeýine jol ashady.
