Búgin QR Prezidentiniń Keńesshisi Málik Nurjanuly Otarbaevtyń qatysýymen Batys Qazaqstan oblysynda mańyzdy jiyn ótti. Jiyn barysynda Memleket basshysy Qasym-Jomart Kemeluly Toqaevtyń Ulttyq quryltaidyń IV otyrysynda alǵa qoiǵan maqsat-mindetterdi júzege asyrý joldary jan-jaqty talqylandy, dep habarlaidy Dalanews.kz
Málik Otarbaev óz sózinde Prezident Toqaevtyń “Qýatty aimaqtar – qýatty el” qaǵidatyn basshylyqqa ala otyryp, óńirlerdi damytýǵa erekshe nazar aýdaryp otyrǵanyn atap ótti. Jańa ekonomikalyq saiasat, investitsiia tartý, áleýmettik qoldaý sharalaryn kúsheitý, infraqurylymdy jańǵyrtý, ekologiia máselelerin sheshý men jergilikti basqarý júiesin jetildirý – eldiń turaqty damýyna baǵyttalǵan basym baǵyttar retinde kórsetildi.
Batys Qazaqstan oblysynyń ákimi Nariman Tóreǵaliev «Qýatty óńir – el damýynyń draiveri» ulttyq jobasy aiasynda óńirde aýqymdy jumystar atqarylyp jatqanyn málimdedi.
"2023–2024 jyldary Batys Qazaqstan oblysynda 22 mektep, 38 meditsinalyq, 6 mádeniet jáne 8 sport mekemesi salyndy. Sonymen qatar, 1 myń shaqyrymnan astam jol jóndelip, shalǵai aýdandarmen bailanys qamtamasyz etildi", – dedi aimaq basshysy.
Jiyn qorytyndysynda qatysýshylar Memleket basshysy aiqyndaǵan mindetterdi oryndaý baǵytynda birlese jumys isteýdiń mańyzdylyǵyn atap ótti.
