Búgin Oral qalasynad «Atameken» óner ortalyǵynda 7 mamyr – Otan qorǵaýshylar kúnine arnalǵan saltanatty jiyn ótti, – dep habarlaidy Dalanews.kz BQO ákiminiń baspasóz qyzmetine silteme jasap.
Merekelik sharada oblys ákimi Nariman Tóreǵaliev el damýynda er azamattardyń orny men erligin tilge tiek etip, keshegi óńirimizde oryn alǵan sý tasqyny kezinde jasaǵan eńbekterine erekshe toqtaldy.
– Oblysymyzdan jáne basqa da óńirlerden 3 myńǵa jýyq kúshtik qurylym qyzmetkerlerimen qatar, eldiń naǵyz patriottary, eldiń bolashaq qorǵandary jastar qaýymy qiyn sátte uiymshyldyq tanytyp, el úshin aianbaityndaryn dáleldedi. Budan bólek, eriktiler men qarapaiym turǵyndarymyz da kúndiz-túni tasqyn sýǵa qarsy jumystarǵa qol ushyn sozdy.
Nátijesinde, ýaqytyly qabyldanǵan sharalardyń arqasynda Oral qalasy men oblysymyzdyń 4 aýdanynda ornalasqan 84 eldi mekenin sý tasqynynan aman alyp qaldyq, – dedi óz quttyqtaýynda oblys ákimi.
Shara marapattaý rásimimen jalǵasyp, táýelsizdigimiz ben tutastyǵymyzdy, tynyshtyǵymyz ben beibit tirligimizdi kúzetip turǵan, halqymyzǵa qorǵan bolǵan kúshtik qurylym qyzmetkerleri men syni saǵatta qoldaý bildirgen jandar marapat tórinen kórindi.
Saltanatty shara jergilikti ónerpazdardyń kontsertine ulasty.
