Búgin Oralda «Mereili otbasy - 2024» ulttyq baiqaýynyń oblystyq kezeńiniń jeńimpazdary marapattaldy.
Júldegerlerdi oblys ákimi Nariman Tóreǵaliev quttyqtady.
- Oblys boiynsha 11 jyldyń ishinde ulttyq baiqaýdyń kezeńderine 2 205 otbasy qatysty. Oǵan qatysýǵa niet etýshiler de jyl saiyn artyp keledi.
Arnaiy qurylǵan komissiianyń sheshimimen 13 otbasy oblystyq kezeńge joldanyp, búgin sharada bas qosyp otyrsyzdar.
Ár otbasynyń ál-aýqatyn jaqsartý - Ádiletti Qazaqstandy qurý jolyndaǵy negizgi mindettiń biri.
Otbasy – memleket nazarynan eshqashan tys qalǵan emes. Keshegi sý tasqyny kezinde, oblys boiynsha zardap shekken otbasylarǵa gýmanitarlyq kómek berilip, bir rettik járdemaqylar taǵaiyndaldy. Jalpy 1 383 turǵyn úi jóndelýge jatsa, sonyń 1 310-y jódeýden ótti. 775 jańa turǵyn úidiń qurylysy júrip jatyr, - dedi oblys ákimi.
Úshinshi orynǵa Aqjaiyq aýdanynan qatysqan Ajgalievter otbasy ie boldy. Al ekinshi oryn Qaratóbe aýdanynan kelgen Baitemirovter otbasyna buiyrdy. Oral qalasynyń atynan qatysqan Hamzinder otbasy jeńimpaz atanyp, Astana qalasynda ótetin respýblikalyq kezeńge joldama aldy.
Dinara Nasyr
