Prokýrorlyq den qoiý sharalarymen merdigerden 10 mln teńgeden astam qarajat óndirildi, - dep habarlaidy Dalanews.kz.
Batys Qazaqstan oblysy Aqjaiyq aýdanynyń prokýratýrasymen mektepti jóndeý merziminiń buzylýy anyqtaldy.
Merdiger tarapynan mindettemelerdi oryndamaýyna bailanysty prokýratýranyń usynýy boiynsha bilim berý bólimi sotqa óndirip alý týraly talap-aryzben júgindi.
Sot talap-aryzdy qanaǵattandyryp, merdigerden memleket paidasyna 8 mln teńgeden astam jáne 1 mln 700 myń teńge somasynda turaqsyzdyq aiyby óndirildi.
Osy jáne basqa da buzýshylyqtar bilim berý uiymdaryndaǵy tekserý nátijeleri boiynsha joiyldy.
Budan bólek prokýratýranyń qadaǵalaý aktisi boiynsha 2 myńnan astam maman mindetti meditsinalyq tekserýden ótti.
Sondai-aq qaýipsizdik máselelerimen bailanysty birqatar máseleler sheshildi: balabaqshalardaǵy beinebaqylaý kameralary men oiyn alańdary jóndeldi, ǵimaratty jylytýǵa arnalǵan jabdyqtar satyp alyndy, 4 balabaqshanyń pandýstary jóndeldi jáne 5 mektepte pandýstardy jóndeýge qarajat bólý máselesi sheshilýde.
Kináli laýazymdy tulǵalardyń jaýapkershiligi týraly másele qaralýda.
