QMA Batys Qazaqstan oblysy boiynsha departamenti bilim berý salasynda biýdjet qarajatyn jymqyrý deregi boiynsha sotqa deiingi tergep-tekserý júrgizip jatyr, dep habarlaidy Dalanews.kz.
"Batys Qazaqstan indýstrialdyq kolledji" memlekettik kommýnaldyq qazynashylyq kásiporynnyń direktory oqý protsesine qatyspaǵan 54 tulǵany jalǵan túrde bilim alýshy retinde tirkegen.
"Soǵan qaramastan olar belsendi stýdentter retinde kórsetilip, jalǵan baǵalar qoiylǵan, sabaqqa qatysý tabelderi men úlgerim boiynsha qujattary rásimdelgen, sondai-aq, stipendiialar berilgen (jekelegen jaǵdailarda kóterińki mólsherde). Jalǵan stýdentterdiń atyna bank shottary ashylyp, sol shottarǵa stipendiia tólemderderi aýdarylǵan. Bank kartalary direktorǵa nemese onyń nusqaýymen ózge tulǵalarǵa qolma-qol aqsha alý jáne qarajatty ári qarai paidalaný úshin tapsyrylyp otyrǵan", - dep jazylǵan habarlamada.
Nátijesinde kolledj direktory 49 mln teńgeden asa biýdjet qarajatyn iemdengen.
Oǵan qatysty bultartpaý túrindegi úiqamaq sharasy qoldanyldy.
Sot sanktsiiasymen onyń páterine tyiym salyndy.
