قما باتىس قازاقستان وبلىسى بويىنشا دەپارتامەنتى ءبىلىم بەرۋ سالاسىندا بيۋدجەت قاراجاتىن جىمقىرۋ دەرەگى بويىنشا سوتقا دەيىنگى تەرگەپ-تەكسەرۋ جۇرگىزىپ جاتىر، دەپ حابارلايدى Dalanews.kz.
"باتىس قازاقستان يندۋستريالدىق كوللەدجى" مەملەكەتتىك كوممۋنالدىق قازىناشىلىق كاسىپورىننىڭ ديرەكتورى وقۋ پروسەسىنە قاتىسپاعان 54 تۇلعانى جالعان تۇردە ءبىلىم الۋشى رەتىندە تىركەگەن.
"سوعان قاراماستان ولار بەلسەندى ستۋدەنتتەر رەتىندە كورسەتىلىپ، جالعان باعالار قويىلعان، ساباققا قاتىسۋ تابەلدەرى مەن ۇلگەرىم بويىنشا قۇجاتتارى راسىمدەلگەن، سونداي-اق، ستيپەنديالار بەرىلگەن (جەكەلەگەن جاعدايلاردا كوتەرىڭكى مولشەردە). جالعان ستۋدەنتتەردىڭ اتىنا بانك شوتتارى اشىلىپ، سول شوتتارعا ستيپەنديا تولەمدەردەرى اۋدارىلعان. بانك كارتالارى ديرەكتورعا نەمەسە ونىڭ نۇسقاۋىمەن وزگە تۇلعالارعا قولما-قول اقشا الۋ جانە قاراجاتتى ءارى قاراي پايدالانۋ ءۇشىن تاپسىرىلىپ وتىرعان"، - دەپ جازىلعان حابارلامادا.
ناتيجەسىندە كوللەدج ديرەكتورى 49 ملن تەڭگەدەن اسا بيۋدجەت قاراجاتىن يەمدەنگەن.
وعان قاتىستى بۇلتارتپاۋ تۇرىندەگى ءۇيقاماق شاراسى قولدانىلدى.
سوت سانكسياسىمەن ونىڭ پاتەرىنە تىيىم سالىندى.
