Batys Qazaqstan oblysynyń Jańaqala aýdanynda turǵyn úi kezeginde turǵan 12 aýyl turǵyny baspanaly boldy. Turǵyndarǵa jańa úilerdiń kiltterin oblys ákimi Nariman Tóreǵaliev tabystady.
Jańaqala aýdanyń turǵyny, kópbalaly ana Marjan Shamelova birneshe jyl boiy úi kezeginde turǵan.
– Kópten kútken úiimizge qol jetkizdik. Jańa, keń, jaryq baspanaǵa bala-shaǵamyzben kirip, qýanyp otyrmyz. Aýylymyzdyń da sáni kirip, jańa úiler salynyp jatyr. Memleket basshysyna qarapaiym aýyl turǵyndaryna kórsetip jatqan qoldaýy úshin alǵysymyzdy bildiremiz, – dedi ol.
Biyl Batys Qazaqstan oblysynyń 50-den astam aýyldarynda turǵyn úi kezeginde turǵan azamattarǵa 758 úi salynýda. Osy úilerdiń úidiń 400-ge jýyǵy tabystaldy. Qalǵany jyl sońyna deiin beriledi.
Jańaqala turǵyndaryn qýanyshqa bólegen taǵy bir oqiǵa aýdandyq aýrýhana ujymyna «Jedel járdem» kólikteriniń tapsyrylýy boldy. Atap aitqanda, Másteksai, Jańajol, Piatimar, Qyzyloba aýyldarynyń feldsherlik pýnktterine osyndai 4 kólik jol tartty. Jalpy, BQO-nyń aýyl-aimaqtaryna ótken jyly 67, al biyl 23 meditsina kóligi berilip otyr.
Óńir basshysy jańaqalalyq sharýa baqqan aǵaiynmen júzdesip, suraqtaryna jaýap berip, usynys-pikirlerin tyńdady. Sonymen birge, aýylishilik joldardyń jáne Jańaqala – Jańaqazan avtomobil jolyn salýǵa jaýapty merdiger «Uniserv» JShS basshysy Dinmuhammed Qairatulyna jumystyń baiaý júrip jatqandyǵyn aityp, qatań eskertý jasady.
