Batys Qazaqstan oblysynda buqaralyq sport pen dene shynyqtyrýdy damytýǵa baǵyttalǵan aýqymdy baǵdarlama júzege asyrylýda.
Búginde óńirde 1563 sport nysany jumys isteidi. Sońǵy eki jylda 36 sport alańy, 3 hokkei korty salyndy. Aýyldyq jerderdegi sport infraqurylymyn damytýy da basty orynda. Osy kúnge deiin Bórli aýdanynda bir zamanaýi sport maneji jáne 8 sport kesheni paidalanýǵa berildi.
Sondai-aq sport infraqurylymyn damytýǵa jeke kásipkerler de úles qosýda. Máselen, Oral qalasynda 2 sport kesheni, Bórli aýdanynda kásipkerler qoldaýymen sport maneji salyndy.
Memleket basshysynyń tapsyrmasymen 2024 jyldyń sońynda "QazMunaiGaz" AQ qarjysyna kópsalaly sport-saýyqtyrý kesheni iske qosyldy. Sondai-aq, múmkindigi shekteýli jandar úshin qoljetimdi orta qurý maqsatynda "Jastar" stadiony mańynda arnaiy sport kesheniniń qurylysy aiaqtala keldi. Onyń ashylýy 2025 jyldyń tamyzyna josparlanǵan.
Aýyldyq jerlerdegi sport nysandaryna erekshe kóńil bólinýde. KPO b.v. kompaniiasynyń áleýmettik-investitsiialyq jobalary aiasynda Terekti, Jánibek, Qaratóbe, Bórli jáne Báiterek aýdandarynda sporttyq jáne mádeni-sporttyq keshender salynýda.
"Samruk-Kazyna Trust" qorynyń qoldaýymen Saryómir aýylynda sport kesheniniń qurylysy bastaldy. Jergilikti biýdjet esebinen Esensai, Shapov jáne Jánibek aýyldarynda sport nysandary boi kóterýde.
"Qazaqstan halqyna" qoǵamdyq qory Alǵabas jáne Qaraýyltóbe aýyldarynda modýldi sport keshenderin turǵyzýdy josparlap otyr. Bul nysandardyń barlyǵy 2025 jyly paidalanýǵa berilmek.
Salaýatty ómir saltyn dáripteý úshin óńirde aýqymdy sporttyq sharalar uiymdastyrylyp keledi. Sońǵy eki jylda 5809 is-shara ótip, oǵan 318 196 adam qatysty. Tek 2025 jyldyń II toqsanynda ǵana 84 453 shara ótkizilip, onyń ishinde 1121-i aýyldyq jerlerde ótti. Jalpy qatysýshylar sany – 43 279 adam.
Qazirgi tańda oblys halqynyń 41,2%-yn quraityn 285 941 adam turaqty túrde sportpen shuǵyldanady. Maqsat – 2029 jylǵa qarai bul kórsetkishti 50%-ǵa jetkizý.
Bolashaq sporty – jas talanttar
Balalar sportyn qoldaýǵa erekshe kóńil bólinýde. Oblystaǵy 22 sport mektebinde 14 270 bala jattyǵady. Onyń ishinde 9 467-i olimpiadalyq, 4 803-i olimpiadalyq emes sport túrlerimen ainalysady.
Memlekettik sporttyq tapsyrystyń arqasynda 2024 jyly 15 472 bala tegin sportpen shuǵyldandy (qarjylandyrý kólemi – 2,4 mlrd teńge). 2025 jyly bul maqsatqa 2,713 mlrd teńge qarastyrylǵan.
Jas sportshylardy 661 jattyqtyrýshy tárbieleýde. Sport mektepterinde 61 sport túri damýda: 5 qysqy olimpiadalyq, 26 jazǵy olimpiadalyq jáne 10 ulttyq sport túri bar. Jańa bastamalar aiasynda biatlon bólimi ashylyp, jeńil atletika, ústel tennisi men dziýdo barlyq aýdandarda damýda.
Oblys sportshylary halyqaralyq arenada da tabysqa jetýde. 2025 jyldyń alǵashqy jartyjyldyǵynda olar 414 medal ielendi, onyń ishinde 188-i altyn, 67-si kúmis, 159-y qola. Aziia chempionattarynda – 12 altyn, 9 kúmis, 15 qola, al álem chempionattarynda – 6 altyn jáne 2 qola medal jeńip aldy.
Óńirdiń atyn álemge tanytyp júrgen sportshylar qatarynda Zeinep Baianova (áielder kúresi), Nurbol Serikov (sambo), Mariia Brovkova (baidarka, kanoe), Daniial Sabit (boks), Ásemgúl Ǵalymjanova (dástúrli sadaq atý), Qydyrbai Myrzatai (dziýdo), Biǵabyl Jolaman (karate), Rýslan Elýbaev (velosport), Kaýsar Nurbolat (mánerlep syrǵanaý), Aset Qaiyrjanov (toǵyzqumalaq) bar.
Memleket, biznes jáne qoǵamnyń birlesken eńbeginiń arqasynda óńir sporty qarqyndy damyp keledi. Barlyq turǵyndarǵa teń múmkindik jasaý, sport infraqurylymyn jańartý men keńeitý jumystary aldaǵy ýaqytta da jalǵasady. Alda – jańa jetistikter men jeńister, olar Batys Qazaqstandy ǵana emes, kúlli eldi álemge tanytpaq.
