Batys Qazaqstan oblysynda onlain nesie rásimdeýge bailanysty birneshe qylmystyq is boiynsha tergeý júrgizilip jatyr, dep habarlaidy dalanews.kz.
Tergeý málimetinshe, 4 aqpanda belgisiz adamdar mikroqarjy uiymy arqyly qazaqstandyq azamattyń atyna zańsyz nesie rásimdegen.
Jábirlenýshi nesie alý úshin óziniń biometriialyq deregin usynbaǵan. Onyń ornyna basqa adamnyń málimeti paidalanylǵan.
Osyǵan uqsas taǵy bir jaǵdaida alaiaqtar basqa mikroqarjy uiymy arqyly azamattyń atyna nesie rásimdep, qarajatty dropperlerdiń esepshoty arqyly bógde adamǵa aýdarǵan.
Tergeý barysynda mundai zańsyz áreketten jalpy 70 azamat zardap shekkeni belgili boldy.
Qazir sotqa deiingi tergeý jalǵasyp jatyr.
