Oral qalasynda 10 shaǵyn aýdan aýmaǵynda «Taza Qazaqstan» respýblikalyq ekologiialyq aktsiiasy aiasynda «Jasyl aimaq» aǵash otyrǵyzý ekologiialyq aktsiiasy ótti, – dep habarlaidy Dalanews.kz BQO ákiminiń baspasóz qyzmetine silteme jasap.
Aktsiia jańa shaǵyn aýdandy kógaldandyrý jáne abattandyrý, qorshaǵan ortany qorǵaýǵa turǵyndardy tartý, qoǵamda ekologiialyq mádeniet pen sana qalyptastyrý maqsatynda uiymdastyryldy.
Ekologiialyq aktsiianyń bastamashylary Batys Qazaqstan oblysy ákimdiginiń qoldaýymen «Jasyl el» oblystyq shtaby, jastar resýrstyq ortalyǵynyń eriktileri bolǵanyn aita ketýimiz kerek. Shara barysynda 250-den astam kóshet otyrǵyzyldy.
Is-sharaǵa Batys Qazaqstan oblysy ákimi apparatynyń basshysy Nurdildá Oraz qatysyp, óz sózinde aktsiianyń barlyq qatysýshylaryna alǵysyn bildirip, Memleket basshysynyń «Taza Qazaqstan» jalpyulttyq ideiasynyń ekologiialyq oilaýdy qalyptastyrýdaǵy jáne eldi abattandyrýdaǵy mańyzdylyǵyn atap ótti.
– Biz osy aktsiiamen shektelmei ekologiialyq bastamany belsendi damytýdy josparlap otyrmyz. Árbir osyndai shara óńirdegi ekologiialyq jaǵdaidy jaqsartý boiynsha bizdiń ómirimizdiń bir bóligine ainalýy mańyzdy, árbir adamnyń óz jerine, eline súiispenshilikpen qaraýy mańyzdy. Bizdi qorshaǵan orta ǵana emes, bizdiń oilarymyz ben is-áreketterimiz de taza bolýy kerek. Bul «Taza Qazaqstan» aktsiiasynyń tereń máni, – dep atap ótti «Jasyl el» oblystyq shtabynyń basshysy Q.Balmoldy.
Sonymen qatar, respýblikalyq ekologiialyq aktsiiany oblys aýdandary da qoldady. Kaztalov aýdanynda eko-kvest, Bókei ordasy aýdanynda «Biz taza aýyl úshin», Terekti aýdanynda «Taza aýyl» aktsiialary ótkizildi. Aktsiia oblystyń 50 myńnan astam turǵynyn qamtydy.
Jalpy, respýblikalyq aktsiia bastalǵannan beri 231 saiabaq pen skver aýmaqtarynda tazalaý júrgizildi, 48 myńnan astam aǵash kóshetteri otyrǵyzyldy, 1221 áleýmettik, 3307 kásipkerlik jáne ónerkásiptik nysandar, 525 tarihi-mádeni eskertkishter jinaldy. Ekologiialyq aktsiiaǵa 1252 birlik tehnika jumyldyrylyp, 52683 tonna qoqys shyǵaryldy.
