«AMANAT» partiiasynyń «Jer amanaty» komissiiasy 2022 jyldan beri Batys Qazaqstan oblysynda paidalanylmai jatqan jáne zańsyz bólingen aýyl sharýashylyǵy maqsatyndaǵy 387 041 gektar jerdi memleket menshigine qaitardy. Búginde atalǵan jerler sharýalarǵa úlestirilip, kásipkerler óz isin damytýda.
Máselen, Jánibek aýdany Uzynkól aýylynda memleket menshigine qaitarylǵan 351 gektar jer aýdandyq «Jer amanaty» komissiiasynyń usynysy boiynsha «Dáýlen» sharýa qojalyǵyna paidalanýǵa berildi. Iaǵni, sharýa Dáýlen Eleýov qolda bar jaiylymdyq jerdiń azdyq etýine bailanysty konkýrsqa qatysyp, osyǵan deiin memleket menshigine qaitarylǵan jerdi paidalanýǵa alǵan.
- «Ata kásippen ainalysa bastaǵanyma 15 jyldan astam ýaqyt ótti. Etti iri qara, jylqy, qoi sharýashylyǵymen ainalysamyz. Ónimderimizdi aýyl, aýdan jáne qala turǵyndaryna jetkizemiz. Qazir kásip aiasyn keńeitip, mal basyn kóbeitip jatyrmyz. Jaiylymdyq jerimiz azdyq etkendikten, konkýrsqa qatysyp, 351 gektar kóleminde jer aldyq. Bul kásip ielerine berilip jatqan jaqsy múmkindik. Osyndai qoldaý kórsetilip jatqany úshin shynaiy alǵysymdy bildiremin», – dedi Dáýlen Eleýov.
«AMANAT» partiiasy
Batys Qazaqstan oblystyq filialynyń
baspasóz hatshysy Zarina Kairova
