«AMANAT» پارتياسىنىڭ «جەر اماناتى» كوميسسياسى 2022 جىلدان بەرى باتىس قازاقستان وبلىسىندا پايدالانىلماي جاتقان جانە زاڭسىز بولىنگەن اۋىل شارۋاشىلىعى ماقساتىنداعى 387 041 گەكتار جەردى مەملەكەت مەنشىگىنە قايتاردى. بۇگىندە اتالعان جەرلەر شارۋالارعا ۇلەستىرىلىپ، كاسىپكەرلەر ءوز ءىسىن دامىتۋدا.
ماسەلەن، جانىبەك اۋدانى ۇزىنكول اۋىلىندا مەملەكەت مەنشىگىنە قايتارىلعان 351 گەكتار جەر اۋداندىق «جەر اماناتى» كوميسسياسىنىڭ ۇسىنىسى بويىنشا «داۋلەن» شارۋا قوجالىعىنا پايدالانۋعا بەرىلدى. ياعني، شارۋا داۋلەن ەلەۋوۆ قولدا بار جايىلىمدىق جەردىڭ ازدىق ەتۋىنە بايلانىستى كونكۋرسقا قاتىسىپ، وسىعان دەيىن مەملەكەت مەنشىگىنە قايتارىلعان جەردى پايدالانۋعا العان.
- «اتا كاسىپپەن اينالىسا باستاعانىما 15 جىلدان استام ۋاقىت ءوتتى. ەتتى ءىرى قارا، جىلقى، قوي شارۋاشىلىعىمەن اينالىسامىز. ونىمدەرىمىزدى اۋىل، اۋدان جانە قالا تۇرعىندارىنا جەتكىزەمىز. ءقازىر كاسىپ اياسىن كەڭەيتىپ، مال باسىن كوبەيتىپ جاتىرمىز. جايىلىمدىق جەرىمىز ازدىق ەتكەندىكتەن، كونكۋرسقا قاتىسىپ، 351 گەكتار كولەمىندە جەر الدىق. بۇل كاسىپ يەلەرىنە بەرىلىپ جاتقان جاقسى مۇمكىندىك. وسىنداي قولداۋ كورسەتىلىپ جاتقانى ءۇشىن شىنايى العىسىمدى بىلدىرەمىن»، – دەدى داۋلەن ەلەۋوۆ.
- «بارشاڭىزعا ءمالىم، مەملەكەت باسشىسىنىڭ تاپسىرماسىمەن 2022 جىلى جەر اماناتى جوباسى اياسىندا كوميسسيالار قۇرىلدى. بۇل كوميسسيالار تەك وبلىس ورتالىعىندا ەمەس، اۋداندىق جەرلەردە دە قارقىندى جۇمىس اتقارىپ كەلەدى. بۇل جۇمىستار اياسىندا باسىمدىلىقتى كاسىپ باستاپ جاتىرعان جاستارعا بەرگىمىز كەلەدى. سەبەبى مەملەكەتتىك كونكۋرستارعا قاتىسقان كەزدە كوپ جاعدايدا بىرنەشە جىلدان بەرى وسى سالادا ەڭبەك ەتىپ جۇرگەن شارۋاشىلىق يەلەرى جەڭىپ جاتادى، ال جاس كاسىپ يەلەرىنە جايىلىمدىق جەرلەر رەتىندە، ەگىستىك القاپتارىنا پايدالانىپ، كاسىپ باستاۋعا بۇل ۇلكەن مۇمكىندىك. 2022 جىلدان بەرى 387 041 گەكتار جەردى مەملەكەت مەنشىگىنە قايتارىلسا، بيىلعى جىلدىڭ وزىندە 30152 گا پايدالانىلماي جاتىرعان جەرلەر قايتارىلدى»، - دەدى «AMANAT» پارتياسى بقو فيليالىنىڭ اتقارۋشى حاتشىسى ازامات سافيمالييەۆ.
«AMANAT» پارتياسى
باتىس قازاقستان وبلىستىق فيليالىنىڭ
باسپا ءسوز حاتشىسى زارينا كايروۆا
