جەتٸسۋ وبلىسىندا مەملەكەتتٸك رەمٸزدەر كٷنٸ سالتاناتتى تٷردە اتالىپ ٶتتٸ. نەگٸزگٸ شارا رەتٸندەگٸ تەۋەلسٸزدٸكتٸڭ 35 جىلدىعىنا وراي «35 اۋىل – 35 تۋ تۇعىرى» پاتريوتتىق اكتسيياسى اياسىندا اۋدان-قالالارداعى 35 ەلدٸ مەكەندە بٸر مەزەتتە تەلەكٶپٸر بايلانىسى ارقىلى 35 جاڭا تۋ تۇعىرى اشىلىپ, تۋ كٶتەرٸلدٸ. بۇل تۋ تۇعىرلارى جەرگٸلٸكتٸ مەتسەناتتار مەن كەسٸپكەرلەردٸڭ قولداۋىمەن ورناتىلدى, دەپ حابارلايدى dalanews.kz.
وبلىس كٶلەمٸندە كەڭٸنەن اتاپ ٶتٸلگەن پاتريوتتىق ٸس-شارالارعا جالپى سانى 3,5 مىڭعا جۋىق ادام قاتىستى, ونىڭ مىڭنان استامى وبلىس ورتالىعىندا جينالدى.
تالدىقورعان قالاسىنداعى «جاستار» ساياباعى الاڭىندا بيٸكتٸگٸ 92 مەترلٸك تۋ تۇعىرىندا ورناتىلعان مەملەكەتتٸك تۋدى كٶتەرۋ سالتاناتى ٶتتٸ.
مەرەكەلٸك شاراعا جەتٸسۋ وبلىسىنىڭ ەكٸمٸ بەيبٸت يساباەۆ, مەسليحات دەپۋتاتتارى, ارداگەرلەر, مەملەكەتتٸك قىزمەتشٸلەر, زييالى قاۋىم ٶكٸلدەرٸ, قۇقىق قورعاۋ ورگاندارىنىڭ قىزمەتكەرلەرٸ, ەسكەري قىزمەتشٸلەر, سپورتشىلار, جاستار, قالا تۇرعىندارى قاتىستى.
مەملەكەتتٸك تۋ كٶتەرٸلگەن سەتتە تالدىقورعان ەسكەري گارنيزونىنىڭ ٷرمەلٸ وركەسترٸنٸڭ سٷيەمەلدەۋٸمەن كامەرالىق حور مەن وبلىستىق فيلارمونييا ەرتٸستەرٸ قازاقستان رەسپۋبليكاسىنىڭ ەنۇرانىن ورىندادى. سونىمەن قاتار جەرگٸلٸكتٸ شىعارماشىلىق ۇجىمداردىڭ ورىنداۋىندا پاتريوتتىق ەندەر شىرقالدى.
جالپى, تالدىقورعانداعى تۋ تۇعىرىنىڭ بيٸكتٸگٸ كەزدەيسوق تاڭدالماعان. ونىڭ 92 مەتر بولۋى - تەۋەلسٸز قازاقستاننىڭ مەملەكەتتٸك رەمٸزدەرٸ بەكٸتٸلگەن 1992 جىلدىڭ سيمۆولدىق بەلگٸسٸ. مەملەكەتتٸك تۋدىڭ ۇزىندىعى – 25 مەتر, ەنٸ – 12 مەتر. كومپوزيتسييانىڭ تۇعىر بٶلٸگٸندە قازاقستان كارتاسى بەينەلەنگەن. تۋ تۇعىرى مەملەكەتتٸك تۋدى اۆتوماتتى تٷردە كٶتەرۋگە ارنالعان ارنايى مەحانيزممەن جابدىقتالعان بولات كونسترۋكتسييادان تۇرادى. ونىڭ جانىندا سالتاناتتى ٸس-شارالاردى ٶتكٸزۋگە ارنالعان امفيتەاتر ورنالاسقان.
پاتريوتتىق اكتسيياعا قاتىسقان ٶڭٸردٸڭ اۋدان-قالالارىنىڭ تۇرعىندارى بۇل باستامانىڭ ماڭىزدىلىعىن اتاپ ٶتٸپ, پٸكٸرلەرٸن بٸلدٸردٸ.
- مەملەكەتتٸك رەمٸزدەر – بٸزگە اتا-بابامىزدان جەتكەن مۇرا ەرٸ بٸزدٸڭ باستى قۇندىلىعىمىز. مەملەكەتتٸك تۋلاردىڭ بٸر مەزەتتە كٶتەرٸلگەنٸن كٶرۋ ٶتە ەسەرلٸ بولدى, - دەدٸ تالدىقورعان قالاسىنداعى № 18 مەكتەپ-ليتسەيٸنٸڭ وقۋشىسى اققوجا نۇرەلٸ.
- مەن «جاسىل ەل» جاستار ەكولوگييالىق قوزعالىسىنىڭ مٷشەسٸمٸن. بٷگٸن مەملەكەتتٸك رەمٸزدەر كٷنٸنە ارنالعان شاراعا قاتىسۋعا كەلدٸم. بۇل مەرەكەنٸڭ بٸز ٷشٸن ماڭىزى زور. ٶيتكەنٸ رەمٸزدەر - بٸزدٸ تاريحىمىزدى قادٸرلەۋگە, وتانعا دەگەن سٷيٸسپەنشٸلٸكتٸ ەسەلەۋگە ٷيرەتەتٸن ەلٸمٸزدٸڭ سيمۆولى, - دەدٸ تالدىقورعانداعى № 12 مەكتەپ-گيمنازييانىڭ وقۋشىسى, ۆولونتەر اياۋلىم اسحاتقىزى.
- بٷگٸن - بٸزدٸڭ اۋدانىمىز ٷشٸن ەرەكشە كٷن. مەملەكەتتٸك رەمٸزدەر كٷنٸندە اۋىلىمىزعا تۋ تۇعىرى ورناتىلدى. بۇل تۋ تۇعىرى اۋىلعا كٸرە بەرٸس جەردەگٸ مەدەنيەت ٷيٸ مەن سپورت كەشەنٸ ورنالاسقان ورتالىققا قويىلدى. تۋدىڭ كٷندە جەلبٸرەپ تۇرعانىن كٶرۋ بولاشاق چەمپيوندارعا, ٶنرپازدارعا, جالپى اۋىل حالقىنا ٷلكەن شابىت بەرٸپ, ماقساتتارىنا جەتۋگە تالپىندىرادى دەپ ويلايمىن, - دەدٸ قاراتال اۋدانى ەسكەلدٸ بي اۋىلىنىڭ تۇرعىنى مۇرات بەرٸكبولۇلى.
- بٷگٸن بٸزدٸڭ اۋىلدا جاڭا تۋ تۇعىرىنان مەملەكەتتٸك تۋ كٶتەرٸلدٸ. رەمٸزدەردٸ ناسيحاتتاۋدىڭ ۇرپاقتى تەربيەلەۋدەگٸ رٶلٸ ٷلكەن. سوندىقتان اۋىلىمىزدا وسىنداي ماڭىزدى ورىن اشىلعانىنان قۋانىشتىمىز, - دەدٸ پەداگوگ, الاكٶل اۋدانى جىلاندى اۋىلىنىڭ تۇرعىنى ەلميرا راپيلوۆا.
- جولامان اۋىلىندا جاڭا مەملەكەتتٸك تۋ جاڭا بيٸك تۇعىرعا كٶتەرٸلگەنٸنە كۋە بولدىق. كٶك بايراعىمىز – تەۋەلسٸزدٸگٸمٸزدٸڭ سيمۆولى, ەل بٸرلٸگٸ مەن بولاشاققا دەگەن سەنٸمنٸڭ بەلگٸسٸ. مەملەكەتتٸك رەمٸزدەرگە كٶرسەتٸلگەن قۇرمەت ەر ازاماتتىڭ بويىندا وتانعا دەگەن سٷيٸسپەنشٸلٸك پەن ماقتانىش سەزٸمٸن ارتتىرادى. تۋ تۇعىرىن ورناتۋ جاس ۇرپاققا پاتريوتتىق تەربيە بەرۋدٸڭ دە ماڭىزدى ٷلگٸسٸ دەپ بٸلەمٸن. ونى ورناتۋ جوباسىنا اتسالىسقان ازاماتتاردىڭ بەرٸنە ريزاشىلىعىمىزدى بٸلدٸرەمٸز, - دەدٸ كەربۇلاق اۋدانى جولامان اۋىلىنىڭ تۇرعىنى ديدار ديحانباەۆ.
- بٷگٸن ەل كٶلەمٸندە ٶتٸپ جاتقان رەمٸزدەر كٷنٸن بٸز, اقسۋ اۋدانىنىڭ تۇرعىندارى لايىقتى اتاپ ٶتٸپ وتىرمىز. وسى اۋداننىڭ 5 بٸردەي ەلدٸ مەكەنٸندە – ەگٸنسۋ, ماتاي, قىزىلاعاش, اراسان, كٶشكەنتال اۋىلدارىندا جاڭا تۋ تۇعىرى اشىلىپ, ولاردان تۋ بيٸككە كٶتەرٸلدٸ. سالتاناتتى شاراعا ەسٸرەسە جاستارىمىزدىڭ, وقۋشىلاردىڭ بەلسەندٸ قاتىسقانىنا قۋاندىق. بۇل ولاردىڭ ەل بولاشاعىنا دەگەن جاۋاپكەرشٸلٸكتٸ سانالى تٷردە سەزٸنەتٸنٸن بٸلدٸرەدٸ, - دەدٸ قىزىلاعاش اۋىلىنىڭ تۇرعىنى ەشٸمعالي جۇماگەلدٸ.
- «جەڭٸس» ساياباعى - ەسكەلدٸ اۋدانىنداعى ەڭ كٶرٸكتٸ ورىنداردىڭ بٸرٸ. بٷگٸن وسى جەردە مەملەكەتتٸك تۋىمىزدىڭ بيٸك تۇعىرعا كٶتەرٸلگەنٸن كٶرٸپ, ەرەكشە تولقىدىق. اۋىل بولىپ جينالىپ بەرٸمٸز تاماشالادىق. كٶك بايراعىمىز ساياباققا ەرەكشە سەن بەرٸپ تۇر. وسىنداي سەتتەر ەلگە دەگەن ماقتانىشىمىزدى ارتتىرا تٷسەدٸ. تۋىمىز ەردايىم اسقاقتاپ, ەلٸمٸز امان بولسىن, - دەدٸ قارابۇلاق اۋىلىنىڭ تۇرعىنى سەۋلە امانتاەۆا.
