«Salamatty Qazaqstan» áleýmettik jobasyn Qazaqstan Respýblikasynyń Prezidenti janyndaǵy Áielder isteri jáne otbasylyq-demografiialyq saiasat jónindegi Ulttyq komissiia QR Densaýlyq saqtaý ministrligimen, «Samuryq-Qazyna» AQ-men birlesip tabysty iske asyrýda jáne elimizdiń barlyq óńirlerin qamtidy.
Búgin 4 shildede meditsinalyq poiyz óz jumysyn Batys Qazaqstan oblysy Báiterek aýdanynyń «Peremetnaia» stantsiiasynda jalǵastyrdy. Bul eldi mekende shamamen 7000 myń adam turady.
Meditsinalyq poiyz jumysynyń ashylýynda Batys Qazaqstan oblysy ákiminiń orynbasary B.Narymbetov Báiterek aýdanynyń turǵyndaryn osy jaqsy jańalyqpen quttyqtady.
BQO ákiminiń orynbasary óńir basshysy N.Tóreǵalievtyń atynan medpoiyz ujymyna alǵysyn bildirip, olardyń odan ári qyzmetine tabys tiledi.
- Ulttyń densaýlyǵy árdaiym memlekettiń basty nazarynda. «Deni saý ult – baqytty ult», «Densaýlyq – bas bailyq» dep aitqan dana halqymyz densaýlyqty baǵalai bilgen. Sondyqtan, «Salamatty Qazaqstan» meditsinalyq poiyzdyń mańyzy óte zor, ásirese shalǵai aýyl turǵyndar arasynda.
Bul azamattarymyzdyń densaýlyǵy men ál-aýqatyn nyǵaitý jolyndaǵy mańyzdy qadam bolatynyna senimdimiz. Barshalaryńyz dárigerler arqyly densaýlyqtaryńyzdy túzetip, saýyǵyp ketýińizge tilektespin!
Batys Qazaqstan oblysy ákimi N.T.Tóreǵalievtyń atynan Prezident janyndaǵy Áielder jáne otbasy-demografiialyq saiasat jónindegi Ulttyq komissiiasyna, Densaýlyq saqtaý ministrligimen «Samuryq-Qazyna» qoryna alǵys bildirýge ruqsat etińizder! Arnaiy rizashylyǵymyzdy «Salamatty Qazaqstan» meditsinalyq poiyzynyń ujymyna jáne bas dárigeri Ainur Qudaibergenqyzyna bildiremiz! Halyqtyń alǵysy men batasyn alyp, elimizdin damýyna úles qosyp júreberińizder!, - dedi B.Narymbetov.
Meditsinalyq poiyzdyń bas dárigeri A.Eginbaeva tegin meditsinalyq, quqyqtyq, mediativtik, psihologiialyq jáne basqa da kómek kórsetý maqsatynda óńirge kelgen qyzmetter spektrine jáne bilikti mamandarǵa nazar aýdardy.
«Salamatty Qazaqstan» poiyzy shalǵaidaǵy aýyl turǵyndaryna qajetti meditsinalyq kómek kórsete otyryp, búkil el boiynsha saiahattaidy.
Poiyzdyń quramynda joǵary bilikti mamandar jumys atqaryp keledi - terapevt, hirýrg, travmatolog, ýrolog, nevropatolog, LOR, akýsher-ginekolog, stomatolog jáne mediator men zańger óńirdiń 5 aýdanynyń 9 stantsiiasynda qyzmet kórsetedi.
Sonymen qatar, is-sharaǵa BQO Báiterek aýdany ákimi M.Toqjanov, BQO ákimi janyndaǵy Áielder isteri jáne otbasylyq-demografiialyq saiasat jónindegi komissiianyń hatshysy T.Rogozina, Báiterek aýdanynyń qurmetti azamaty Ǵ.Qapaqov, BQO Qoǵamdyq damý basqarmasynyń basshysy G.Shókeeva, BQO Densaýlyq saqtaý basqarmasy basshysynyń orynbasary G.Abdrahmanova, aýyl turǵyndary jáne basqalar qatysty.
Ári qarai sharaǵa qatysýshylar meditsinalyq poiyzdyń jumysymen tanysty.
Meditsinalyq poezd 2024 jyldyń 4-5 shilde kúnderi aralyǵynda saǵat 09:00 den bastap 18:00 ge deiin aýdan turǵyndaryna qyzmet kórsetedi.
