Qazaqstandaǵy bilim berý infraqurylymyn jetildirýge baǵyttalǵan «Keleshek mektepteri» ulttyq jobasy aiasynda Batys Qazaqstan oblysy, Báiterek aýdanynda eki jańa mekteptiń qurylysy júrip jatyr,- dep habarlaidy Dalanews.kz
Dostyq aýylynda 1200 oryndyq iri bilim ordasynyń qurylysy qolǵa alynǵan. Bul mektep zamanaýi pándik kabinettermen jabdyqtalyp, oqýshylardyń sapaly bilim alýyna barlyq jaǵdaidy qamtamasyz etedi.
Al Baiqonys aýylynda 300 oryndyq mektep salynyp jatyr. Bul oqý orny eski, apatty jaǵdaidaǵy mekteptiń ornyn basyp, jergilikti oqýshylar úshin qaýipsiz ári qolaily oqý ornyn usynady.
Qurylys barysymen arnaiy tanysqan Batys Qazaqstan oblysy ákiminiń orynbasary Qaiyrjan Mendiǵaliev pen oblystyq bilim basqarmasynyń basshysy Eldos Safýllin jobalardyń sapaly ári merziminde aiaqtalýyn erekshe atap ótti.
Sonymen qatar, Oral qalasynyń Jáńgir han kóshesinde 600 oryndyq taǵy bir jańa mekteptiń qurylysy júrip jatyr. Bul joba úsh aýysymdy bilim berý máselesin sheshýge baǵyttalǵan jáne qalanyń bilim salasyna jańa serpin bermek.
Jalpy alǵanda, atalmysh jobalar iske qosylǵan kezde aimaqtaǵy bilim berý infraqurylymynyń sapasy edáýir jaqsaryp, oqýshylar úshin zamanaýi, qaýipsiz jáne jaily orta qalyptasady. Bul – bolashaq urpaqtyń sapaly bilim alýyna berilgen naqty qoldaý.
