Miras Mulqai BQO ákiminiń orynbasary bolyp taǵaiyndaldy, dep habarlaidy Dalanews.kz.
Búgin, 16 shildede, Prezident ákimshiligimen kelisim boiynsha oblys aktivine Batys Qazaqstan oblysy ákiminiń jańa orynbasary tanystyryldy. Bul qyzmetke sońǵy eki jyl boiy oblystyń energetika jáne turǵyn úi-kommýnaldyq sharýashylyq basqarmasyn basqarǵan 36 jastaǵy Miras Mulqai taǵaiyndaldy.
Miras Mulqai bul laýazymda Baqytjan Nárimbetovtiń ornyn basty. Baqytjan Nárimbetov 2025 jyldyń sáýir aiynyń sońynda Qostanai oblysy ákiminiń orynbasary bolyp taǵaiyndalǵan edi. Ol Batys Qazaqstan oblysynda densaýlyq saqtaý, energetika, jumyspen qamtýdy úilestirý jáne áleýmettik baǵdarlamalar, mobilizatsiialyq daiyndyq pen azamattyq qorǵanys máselelerine jetekshilik etken.
Miras Mulqai Batys Qazaqstan oblysynyń týmasy. M.Ótemisov atyndaǵy Batys Qazaqstan memlekettik ýniversitetin «Qarjy» mamandyǵy boiynsha jáne Jáńgir han atyndaǵy Batys Qazaqstan agrarlyq-tehnikalyq ýniversitetin «Qurylys» mamandyǵy boiynsha támamdaǵan.
Eńbek jolyn 2011 jyly Oral qalasynyń turǵyn úi-kommýnaldyq sharýashylyǵy, jolaýshylar kóligi jáne avtomobil joldary bólimine qarasty statist laýazymynan bastaǵan. Ár jyldary bas maman, kóriktendirý sektorynyń meńgerýshisi, TKSh bólimi basshysynyń orynbasary, sondai-aq qalalyq qurylys bóliminiń basshysy qyzmetterin atqarǵan.
2019 jyly Oral qalasy ákiminiń orynbasary bolyp taǵaiyndaldy.
2023 jylǵy 17 qańtardan bastap Batys Qazaqstan oblysynyń energetika jáne turǵyn úi-kommýnaldyq sharýashylyq basqarmasyn basqardy.
