Olar bul mekemede jyldar boiy em qabyldap, saýyǵý terapiiasynan ótip, qalypty ómirge beiimdeledi.
Ortalyq direktory Ashat Súttibaevtyń aitýynsha, búgingi tańda ortalyqta 18 ben 88 jas aralyǵyndaǵy 150 adam em-domdaryn alyp jatyr.
– Bul jai ǵana naýqastar emes, olar qalypty ómirden tys qalǵan jandar. Olardyń oi qabileti men ómir súrý salty múlde bólek. Sondyqtan bizdiń dárigerler turaqty túrde túrli treningterden ótip, naýqastarǵa tolyqqandy psihologiialyq kómek kórsetýge beiimdeledi. Bizdiń uiymnyń negizgi maqsaty bolyp qyzmet alýshylarǵa jasyna jáne densaýlyǵyna qarai úi jaǵdaiyna jaqyndatylǵan ómir súrý jaǵdairlaryn jasaý bolyp tabylady, - deidi ortalyq basshysy.
Arnaiy áleýmettik qyzmet kórsetý ortalyǵynda uzaq merzimdi emdeý kýrstarynan ótken naýqastar qalypty ómirge beiimdelip, mamandardyń saraptamasy boiynsha ortalyqtan emdelip shyǵarylady. Sondai patsientterdiń biri Evgenii. Ol úsh jyldan astam ýaqyt osy ortalyqta psihonevrologiialyq aýrýynan saýyǵyp, ortalyqta jumys istep, jinaǵan qarjysyna eki bólmeli páter satyp aldy. Endi Evgenii qoǵamnyń tolyq múshesi retinde óz ómirin jalǵastyra alady. Onyń aitýynsha, jaqyn arada otbasy qurý oiy bar eken. Ortalyqta osy ispettes taǵdyrlar óte kóp.
- Bizdiń mekemeniń basqa áleýmettik jáne meditsinalyq mekemelerden ereksheligi qyzmet alýshylarda. Kóptegen jaǵdaida naýqastar psihonevrologiialyq mekemelerge túsip ómiriniń sońyna deiin qalady. Qyzmet alýshylar jyldar boiy áleýmettik oqshaýlaý jaǵdaiynda bolady. Sondyqtan naýqastar jaqyndarymen, týystarymen onlain rejiminde bailanysqa shyǵyp turady. Mekeme ýaqyt talabyna sai túrli protsesterdi engizip keledi, - deidi Ashat Súttibaev.
