ولار بۇل مەكەمەدە جىلدار بويى ەم قابىلداپ، ساۋىعۋ تەراپياسىنان ءوتىپ، قالىپتى ومىرگە بەيىمدەلەدى.
ورتالىق ديرەكتورى اسحات سۇتتىبايەۆتىڭ ايتۋىنشا، بۇگىنگى تاڭدا ورتالىقتا 18 بەن 88 جاس ارالىعىنداعى 150 ادام ەم-دومدارىن الىپ جاتىر.
– بۇل جاي عانا ناۋقاستار ەمەس، ولار قالىپتى ومىردەن تىس قالعان جاندار. ولاردىڭ وي قابىلەتى مەن ءومىر ءسۇرۋ سالتى مۇلدە بولەك. سوندىقتان ءبىزدىڭ دارىگەرلەر تۇراقتى تۇردە ءتۇرلى ترەنينگتەردەن ءوتىپ، ناۋقاستارعا تولىققاندى پسيحولوگيالىق كومەك كورسەتۋگە بەيىمدەلەدى. ءبىزدىڭ ۇيىمنىڭ نەگىزگى ماقساتى بولىپ قىزمەت الۋشىلارعا جاسىنا جانە دەنساۋلىعىنا قاراي ءۇي جاعدايىنا جاقىنداتىلعان ءومىر ءسۇرۋ جاعدايرلارىن جاساۋ بولىپ تابىلادى، - دەيدى ورتالىق باسشىسى.
ارنايى الەۋمەتتىك قىزمەت كورسەتۋ ورتالىعىندا ۇزاق مەرزىمدى ەمدەۋ كۋرستارىنان وتكەن ناۋقاستار قالىپتى ومىرگە بەيىمدەلىپ، مامانداردىڭ ساراپتاماسى بويىنشا ورتالىقتان ەمدەلىپ شىعارىلادى. سونداي پاسيەنتتەردىڭ ءبىرى ەۆگەنيي. ول ءۇش جىلدان استام ۋاقىت وسى ورتالىقتا پسيحونيەۆرولوگيالىق اۋرۋىنان ساۋىعىپ، ورتالىقتا جۇمىس ىستەپ، جيناعان قارجىسىنا ەكى بولمەلى پاتەر ساتىپ الدى. ەندى ەۆگەنيي قوعامنىڭ تولىق مۇشەسى رەتىندە ءوز ءومىرىن جالعاستىرا الادى. ونىڭ ايتۋىنشا، جاقىن ارادا وتباسى قۇرۋ ويى بار ەكەن. ورتالىقتا وسى ىسپەتتەس تاعدىرلار وتە كوپ.
- ءبىزدىڭ مەكەمەنىڭ باسقا الەۋمەتتىك جانە مەديسينالىق مەكەمەلەردەن ەرەكشەلىگى قىزمەت الۋشىلاردا. كوپتەگەن جاعدايدا ناۋقاستار پسيحونيەۆرولوگيالىق مەكەمەلەرگە ءتۇسىپ ءومىرىنىڭ سوڭىنا دەيىن قالادى. قىزمەت الۋشىلار جىلدار بويى الەۋمەتتىك وقشاۋلاۋ جاعدايىندا بولادى. سوندىقتان ناۋقاستار جاقىندارىمەن، تۋىستارىمەن ونلاين رەجيمىندە بايلانىسقا شىعىپ تۇرادى. مەكەمە ۋاقىت تالابىنا ساي ءتۇرلى پروسەستەردى ەنگىزىپ كەلەدى، - دەيدى اسحات سۇتتىبايەۆ.
