Prezident Qasym-Jomart Toqaev Úkimettiń keńeitilgen otyrysynda sóz sóiledi, dep habarlaidy Dalanews.kz.
️Memleket basshysy infliatsiiany oiǵa qonymdy, qalypty deńgeige túsirý qajet ekenin aitty.
"Onyń sharyqtap ketýine jol bermeý kerek. Infliatsiia ne sebepti joǵary bolyp turǵany belgili, keseldiń sebebi anyqtaldy. Endi osy máseleni sheshý kerek. Biraq usynylatyn sharalar eldiń damýyna keri áserin tigizbeýi qajet. Dál osy tusta túrli pikir aitylyp jatyr", - dedi Toqaev.
Prezident Úkimet pen Ulttyq bankke birlesip, naqty is-qimyl algoritmin ázirleýdi tapsyrdy.
"Osy mańyzdy jumysqa barlyq mekeme ókilderi men sarapshylar qatysýǵa tiis. Taǵy da qaitalap aitamyn: qolaisyz ahýaldy shuǵyl retke keltirý qajet. Biyldan bastap úsh jyl qatarynan infliatsiiany tómendetý úshin naqty sharalar qabyldaý kerek. Birlesken is-qimyl baǵdarlamasyn sapaly oryndaý airyqsha mańyzdy. Máseleni sheshýdiń ornyna bos sózdi kóbeitip, qajetsiz "jol kartalaryn" ázirleý – jaýapkershilikten qashý degen sóz. Aldyn ala eskertý: ondai jaǵdaida qatań shara qoldanylady. Halyqtyń tabysy artsa ǵana, naqty nátijege qol jetkizdik dep sanaýǵa bolady", - dedi Memleket basshysy.
