پرەزيدەنت قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا سٶز سٶيلەدٸ, دەپ حابارلايدى Dalanews.kz.
️مەملەكەت باسشىسى ينفلياتسييانى ويعا قونىمدى, قالىپتى دەڭگەيگە تٷسٸرۋ قاجەت ەكەنٸن ايتتى.
"ونىڭ شارىقتاپ كەتۋٸنە جول بەرمەۋ كەرەك. ينفلياتسييا نە سەبەپتٸ جوعارى بولىپ تۇرعانى بەلگٸلٸ, كەسەلدٸڭ سەبەبٸ انىقتالدى. ەندٸ وسى مەسەلەنٸ شەشۋ كەرەك. بٸراق ۇسىنىلاتىن شارالار ەلدٸڭ دامۋىنا كەرٸ ەسەرٸن تيگٸزبەۋٸ قاجەت. دەل وسى تۇستا تٷرلٸ پٸكٸر ايتىلىپ جاتىر", - دەدٸ توقاەۆ.
پرەزيدەنت ٷكٸمەت پەن ۇلتتىق بانككە بٸرلەسٸپ, ناقتى ٸس-قيمىل الگوريتمٸن ەزٸرلەۋدٸ تاپسىردى.
"وسى ماڭىزدى جۇمىسقا بارلىق مەكەمە ٶكٸلدەرٸ مەن ساراپشىلار قاتىسۋعا تيٸس. تاعى دا قايتالاپ ايتامىن: قولايسىز احۋالدى شۇعىل رەتكە كەلتٸرۋ قاجەت. بيىلدان باستاپ ٷش جىل قاتارىنان ينفلياتسييانى تٶمەندەتۋ ٷشٸن ناقتى شارالار قابىلداۋ كەرەك. بٸرلەسكەن ٸس-قيمىل باعدارلاماسىن ساپالى ورىنداۋ ايرىقشا ماڭىزدى. مەسەلەنٸ شەشۋدٸڭ ورنىنا بوس سٶزدٸ كٶبەيتٸپ, قاجەتسٸز "جول كارتالارىن" ەزٸرلەۋ – جاۋاپكەرشٸلٸكتەن قاشۋ دەگەن سٶز. الدىن الا ەسكەرتۋ: ونداي جاعدايدا قاتاڭ شارا قولدانىلادى. حالىقتىڭ تابىسى ارتسا عانا, ناقتى نەتيجەگە قول جەتكٸزدٸك دەپ ساناۋعا بولادى", - دەدٸ مەملەكەت باسشىسى.
