Onyń aitýynsha, aýdan ortalyǵy – Borodýlihany abattandyrý jumystaryna oblystyq biýdjetten 100 million teńge bólindi. Sondai-aq Peremenovka, Jańa Shúlbi, Novopokrovka, Belaǵash, Jezkent kentin kórkeitýge 60 mln teńge qarastyryldy.
Borodýliha aýdanyndaǵy Jeńis saiabaǵy, Novopokrovka aýylyndaǵy trotýarǵa aǵymdaǵy jóndeý jumystary júrgizildi. Balalarǵa arnalǵan oiyn alańy qoldanysqa berildi.
Peremenovka, Jańa Shúlbi, Belaǵash aýyldary men Jezkent kentinde tórt «Street workout» alańy salyndy. Oǵan 40 mln. teńge jumsaldy.
Sondai-aq Borodýliha aýdanyndaǵy kópqabatty turǵyn úilerdiń aýmaǵy kórkeitilip, birqatar jumys atqaryldy. Sonymen qatar shaǵyn fýtbol alańynyń qurylysy bastalǵan. Osy maqsatta 13 mln teńge qarastyrylǵan.
Aǵymdaǵy aidyń sońynda bul nysan el igiligine paidalanýǵa berildi. Jolaýshylarǵa arnalǵan modýldik mekeme salynýda. Qazir onda elektr jelisin tartý, jaryqtandyrý, ortalyq sýmen qamtamasyz etý, alańdy asfalttaý, avtokólikterge arnalǵan alań, qoqys jáshikteri men oryndyqtar qoiylýda. Oǵan arnaiy tender ótkizildi. «Remnev» JK-men kelisimshart jasalǵanyn ákim málimdedi. Ústimizdegi jyldyń qazan aiynyń sońyna deiin jolaýshylarǵa arnalǵan modýldik ortalyq paidalanýǵa beriledi.
