Sot kásipker Qairat Boranbaevtyń jazasyn jeńildetip, 6 jylǵa bas bostandyǵynan aiyrý týraly sheshimge keldi. Ol jazasyn qaýipsizdigi ortasha mekemede óteidi.
Boranbaev pen Roman Nahanov qylmystyq kodekstiń 28-baby 5-bóligi – 189-baby 4-bóligi 2-tarmaǵy, 218-baby 3-bóligi 3-tarmaǵy boiynsha kináli dep tanyldy. Olardyń árqaisysyna múlkin tárkilep, 6 jyl bas bostandyǵynan aiyrý jazasy taǵaiyndalsyn, – dedi sot alqasynyń tóraǵasy Aisulý Slambekova.
Boranbaev pen Nahanov ómir boiy memlekettik qyzmetti atqara almaidy. Sondai-aq sýdia bolý, jergilikti basqarý organdarynda, Ulttyq bankte jáne onyń quramyndaǵy vedomstvolarda, memlekettik jáne kvazimemlekettik mekemelerde qyzmet etý quqyǵynan aiyryldy.Qazaqstan prezidentine Qairat Boranbaevty «Qurmet», «Eren eńbegi úshin», «Parasat», III dárejeli «Barys» ordeninen aiyrý týraly usynys engiziledi.
22 tamyzda apelliatsiialyq satydaǵy sotta isti qaraý barysynda sottalýshylar kinásin moiyndap, protsestik kelisim jasasý týraly ótinishhat bergen bolatyn.
