سوت كەسٸپكەر قايرات بورانباەۆتىڭ جازاسىن جەڭٸلدەتٸپ, 6 جىلعا باس بوستاندىعىنان ايىرۋ تۋرالى شەشٸمگە كەلدٸ. ول جازاسىن قاۋٸپسٸزدٸگٸ ورتاشا مەكەمەدە ٶتەيدٸ.
بورانباەۆ پەن رومان ناحانوۆ قىلمىستىق كودەكستٸڭ 28-بابى 5-بٶلٸگٸ – 189-بابى 4-بٶلٸگٸ 2-تارماعى, 218-بابى 3-بٶلٸگٸ 3-تارماعى بويىنشا كٸنەلٸ دەپ تانىلدى. ولاردىڭ ەرقايسىسىنا مٷلكٸن تەركٸلەپ, 6 جىل باس بوستاندىعىنان ايىرۋ جازاسى تاعايىندالسىن, – دەدٸ سوت القاسىنىڭ تٶراعاسى ايسۇلۋ سلامبەكوۆا.
بورانباەۆ پەن ناحانوۆ ٶمٸر بويى مەملەكەتتٸك قىزمەتتٸ اتقارا المايدى. سونداي-اق سۋديا بولۋ, جەرگٸلٸكتٸ باسقارۋ ورگاندارىندا, ۇلتتىق بانكتە جەنە ونىڭ قۇرامىنداعى ۆەدومستۆولاردا, مەملەكەتتٸك جەنە كۆازيمەملەكەتتٸك مەكەمەلەردە قىزمەت ەتۋ قۇقىعىنان ايىرىلدى.قازاقستان پرەزيدەنتٸنە قايرات بورانباەۆتى «قۇرمەت», «ەرەن ەڭبەگٸ ٷشٸن», «پاراسات», III دەرەجەلٸ «بارىس» وردەنٸنەن ايىرۋ تۋرالى ۇسىنىس ەنگٸزٸلەدٸ.
22 تامىزدا اپەللياتسييالىق ساتىداعى سوتتا ٸستٸ قاراۋ بارىسىندا سوتتالۋشىلار كٸنەسٸن مويىنداپ, پروتسەستٸك كەلٸسٸم جاساسۋ تۋرالى ٶتٸنٸشحات بەرگەن بولاتىن.
