Qonaq úi kesheniniń aýdany 5 myń sharshy metrden asady. Kommertsiialyq nysan jyl saiyn 900 million teńgege jýyq tabys ákeledi eken.
Bul nysan memleket menshigine ótkennen keiin zańǵa sáikes demalys, saýyqtyrý jáne bilim berý ortalyqtary retinde paidalanýǵa bolady.
Eske salaiyq, buǵan deiin kásipker Qairat Boranbaev Qarajanbas Severnyi munai ken ornyn memleket menshigine ótkizgen bolatyn. Esep boiynsha kompaniianyń quny 35,4 mlrd teńgeni quraidy.
Sondai-aq, kásipkerdiń memleketke 90 milliard teńgeniń múlkin, onyń ishinde munai kásipshiligin, gaz taratý kompaniiasyn, servistik kásiporyndy, qonaq úilerdi, saýda oiyn-saýyq keshenderin, fitnes-saýyqtyrý ortalyqtary jelisin jáne qyzmettik úi-jailardy óz erkimen qaitardy.
Sonymen qatar, Boranbaev bilim berý júiesin qoldaý qoryna 30 mlrd teńge aýdardy.
