Boranbaev memleketke taǵy aqsha qaıtarady

Kórkem Aldabergenova 02 naý. 2024 09:58 3406

Qaırat Boranbaev memleket qazynasyna taǵy da aqsha qaıtarýy múmkin, - dep habarlaıdy Dalanews.kz

Bul týraly Qarjylyq monıtorıń agenttigi tóraǵasynyń orynbasary Jeńis Elemesov aıtty.

"Qazirgi ýaqytta Boranbaevqa qatysty onyń sot úkimi boıynsha sottalǵanyn jáne keltirilgen zalaldy ótegenin bilesizder. Budan bólek, ol búdjetke qosymsha 120 mıllıard teńge berdi.

Qazirgi ýaqytta onyń tarapynan búdjetke qosymsha taǵy da qarajat óteý jaǵy qarastyrylyp jatyr.

Óıtkeni basqa da qylmystyq ister: jeke tulǵanyń salyq tóleýden jaltarýy jáne urlyq bar. Osy ister aıasynda qazirgi ýaqytta aktıvterdi qaıtarý boıynsha tıisti jumystar júrgizilip jatyr", - dedi ol.

Agenttik ókili naqty qandaı soma týraly áńgime bolyp turǵanyn naqtylap aıtpady.


Usynylǵan
Sońǵy jańalyqtar
x