قايرات بورانبايەۆ مەملەكەت قازىناسىنا تاعى دا اقشا قايتارۋى مۇمكىن، - دەپ حابارلايدى Dalanews.kz.
بۇل تۋرالى قارجىلىق مونيتورينگ اگەنتتىگى ءتوراعاسىنىڭ ورىنباسارى جەڭىس ەلەمەسوۆ ايتتى.
"قازىرگى ۋاقىتتا بورانبايەۆقا قاتىستى ونىڭ سوت ۇكىمى بويىنشا سوتتالعانىن جانە كەلتىرىلگەن زالالدى وتەگەنىن بىلەسىزدەر. بۇدان بولەك، ول بيۋدجەتكە قوسىمشا 120 ميلليارد تەڭگە بەردى.
قازىرگى ۋاقىتتا ونىڭ تاراپىنان بيۋدجەتكە قوسىمشا تاعى دا قاراجات وتەۋ جاعى قاراستىرىلىپ جاتىر.
ويتكەنى باسقا دا قىلمىستىق ىستەر: جەكە تۇلعانىڭ سالىق تولەۋدەن جالتارۋى جانە ۇرلىق بار. وسى ىستەر اياسىندا قازىرگى ۋاقىتتا اكتيۆتەردى قايتارۋ بويىنشا ءتيىستى جۇمىستار جۇرگىزىلىپ جاتىر"، - دەدى ول.
اگەنتتىك وكىلى ناقتى قانداي سوما تۋرالى اڭگىمە بولىپ تۇرعانىن ناقتىلاپ ايتپادى.
