Tergeý organdary Memleket basshysynyń Qytaidan kelgenin tosyp otyr.
Taraptar mundai tergeýdi jalǵyz organ emes, kúshtik qurylymdardyń ortaq tergeý toby júrgizgen durys degen uiǵarymda. Jalpy, Asqar Maminniń kezinde qabyldaǵan sheshimderge reviziia jasaý ońai ári qiyn.
Ońaiy - onyń bárin taýyp alý, figýranttardy otyrǵyzý, tergeý júrgizý.
Qiyny - eger sheshimder qylmystyq dep tanylsa, onda Skliar-Lavrentev baǵyty arqyly jasalǵan ýtilalym júiesin múlde jabý kerek. Al biýdjettik krizis jaǵdaiynda otyrǵan Úkimet qazir sol ýtilalymnyń qyzyǵyn ózi kórip otyr. Iaǵni, infraqurylymdyq, transporttyq kerek-jaraǵyna sol ýtilalym qarjysyn jumsaýda. Úkimet halyq jinap berip otyrǵan osy shelpekten airylyp qalǵysy kelmeidi.
Maminniń ózine kelsek, DALA INSIDE derekkózi onyń qyzyl shtamppen júrgenin aitady. Iaǵni, Qazaqstan aýmaǵynan shyǵa almaidy. Ony kez-kelgen ýaqytta tergeýge shaqyrtýy múmkin.
Qazir Maminge qatysty resmi tergeý júrip jatqan joq. Biraq ol ýaqytsha kórinis siiaqty. Mamin tergeýde sóilei bastasa, vitse-premer Roman Skliarǵa da birneshe suraq týyndaitynyn sezip otyrmyz.
Bul rette Roman Skliar men kezinde Ulttyq ekonomika ministri bolǵan Qýandyq Bishimbaevtyń taǵdyrlaryna bolashaqta parallel júrgizýge bolady.
Ýtilalym júiesi múlde óziniń túpki maqsatyn oryndamaǵanyn Aýditorlardyń joǵarǵy palatasy da eskertken edi. Tipti masqara kereǵar nátije tirkelgen. Qazaqstandaǵy avtokólikterdiń ortasha jasy 22 jasqa deiin artyp, al jasy 10 jyldan asqan kólikter 2017 jylmen salystyrǵanda 1,5 esege ósip ketken. Ekologiia múlde jaqsarmaǵan.
Ýtilalymnan túsken qarjynyń 0,4 paiyzy ǵana ekologiiaǵa, al qalǵan 99,6%-y, iaǵni 259 milliard teńge Roman Skliar kýratorlyq etetin baǵyt - kólik qurastyrýǵa ketken. Iaǵni, 259 milliard teńge avtooligarhtar Nurlan Symaǵulov, Andrei Lavrentevke quiyldy dese bolady.
Olardyń ýtilge qandai qatysy bar ekeni - qazaq paradoksynyń sheshilmegen jumbaqtarynyń biri.
https://dalanews.kz/zheli/94078-bolashaq-stipendiiasynan-bas-tartu-neg
