تەرگەۋ ورگاندارى مەملەكەت باسشىسىنىڭ قىتايدان كەلگەنىن توسىپ وتىر.
تاراپتار مۇنداي تەرگەۋدى جالعىز ورگان ەمەس، كۇشتىك قۇرىلىمداردىڭ ورتاق تەرگەۋ توبى جۇرگىزگەن دۇرىس دەگەن ۇيعارىمدا. جالپى، اسقار ءماميننىڭ كەزىندە قابىلداعان شەشىمدەرگە ريەۆيزيا جاساۋ وڭاي ءارى قيىن.
وڭايى - ونىڭ ءبارىن تاۋىپ الۋ، فيگۋرانتتاردى وتىرعىزۋ، تەرگەۋ جۇرگىزۋ.
قيىنى - ەگەر شەشىمدەر قىلمىستىق دەپ تانىلسا، وندا سكليار-لاۆرەنتيەۆ باعىتى ارقىلى جاسالعان ۋتيلالىم جۇيەسىن مۇلدە جابۋ كەرەك. ال بيۋدجەتتىك كريزيس جاعدايىندا وتىرعان ۇكىمەت ءقازىر سول ۋتيلالىمنىڭ قىزىعىن ءوزى كورىپ وتىر. ياعني، ينفراقۇرىلىمدىق، ترانسپورتتىق كەرەك-جاراعىنا سول ۋتيلالىم قارجىسىن جۇمساۋدا. ۇكىمەت حالىق جيناپ بەرىپ وتىرعان وسى شەلپەكتەن ايرىلىپ قالعىسى كەلمەيدى.
ءماميننىڭ وزىنە كەلسەك، DALA INSIDE دەرەككوزى ونىڭ قىزىل شتامپپەن جۇرگەنىن ايتادى. ياعني، قازاقستان اۋماعىنان شىعا المايدى. ونى كەز-كەلگەن ۋاقىتتا تەرگەۋگە شاقىرتۋى مۇمكىن.
ءقازىر مامينگە قاتىستى رەسمي تەرگەۋ ءجۇرىپ جاتقان جوق. ءبىراق ول ۋاقىتشا كورىنىس سياقتى. مامين تەرگەۋدە سويلەي باستاسا، ۆيسە-پرەمەر رومان سكليارعا دا بىرنەشە سۇراق تۋىندايتىنىن سەزىپ وتىرمىز.
بۇل رەتتە رومان سكليار مەن كەزىندە ۇلتتىق ەكونوميكا ءمينيسترى بولعان قۋاندىق بيشيمبايەۆتىڭ تاعدىرلارىنا بولاشاقتا پاراللەل جۇرگىزۋگە بولادى.
ۋتيلالىم جۇيەسى مۇلدە ءوزىنىڭ تۇپكى ماقساتىن ورىنداماعانىن اۋديتورلاردىڭ جوعارعى پالاتاسى دا ەسكەرتكەن ەدى. ءتىپتى ماسقارا كەرەعار ناتيجە تىركەلگەن. قازاقستانداعى اۆتوكولىكتەردىڭ ورتاشا جاسى 22 جاسقا دەيىن ارتىپ، ال جاسى 10 جىلدان اسقان كولىكتەر 2017 جىلمەن سالىستىرعاندا 1،5 ەسەگە ءوسىپ كەتكەن. ەكولوگيا مۇلدە جاقسارماعان.
ۋتيلالىمنان تۇسكەن قارجىنىڭ 0،4 پايىزى عانا ەكولوگياعا، ال قالعان 99،6%-ى، ياعني 259 ميلليارد تەڭگە رومان سكليار كۋراتورلىق ەتەتىن باعىت - كولىك قۇراستىرۋعا كەتكەن. ياعني، 259 ميلليارد تەڭگە اۆتووليگارحتار نۇرلان سىماعۇلوۆ، اندرەي لاۆرەنتيەۆكە قۇيىلدى دەسە بولادى.
ولاردىڭ ۋتيلگە قانداي قاتىسى بار ەكەنى - قازاق پارادوكسىنىڭ شەشىلمەگەن جۇمباقتارىنىڭ ءبىرى.
https://dalanews.kz/zheli/94078-bolashaq-stipendiiasynan-bas-tartu-neg
