Komissiia hatshysy, Almaty oblysy Kásipkerler palatasy direktorynyń quqyqtyq máseleleri boiynsha orynbasary Qanat Qabdievtiń aitýynsha, 2017 jyldyń tamyzynda Ile aýdanynyń bilim bólimi «Temir Grand» JShS-men mektep partalaryn jetkizý boiynsha kelisim-shartqa qol qoiǵan. Alǵashynda 19,7 mln teńge somadaǵy 1376 dana taýarǵa tapsyrys berilgen.
Sonymen birge Qanat Qabdiev 20 kún retinde bekitilgen tapsyrysty jetkizý merzimine nazar aýdarýdy surady.
– Jihaz shyǵarýmen ainalysatyn jergilikti kásipkerler bul ýaqyt ishinde osynshama kólemdegi mektep partasyn jetkizý múmkin emestigin aitady, – dep atap ótti. Al Ile aýdany ákimdiginiń ókili tarapynan jiynǵa qatyspaý sebebinen atalmysh derek boiynsha esh túsinikteme berilmedi.
Jalpy memlekettik satyp alý veb-portalyndaǵy málimet boiynsha 2017 jyly Ile aýdanyndaǵy biýdjettik baǵdarlamalardyń 30 ákimshisi 13,339 mlrd teńgege 1164 kelisim-shart jasaǵan.
Otyrys barysynda Qarasai aýdany jáne densaýlyq saqtaý basqarmasynyń kásipkerlerdi satyp alý salasynda qoldaý máseleleri boiynsha atqarǵan jumys qorytyndylary tyńdaldy. Aita keteiik, Qarasai aýdany oblys boiynsha satyp alýdaǵy jergilikti quram úlesi boiynsha 74%-ti kórsetip, joǵary kórsetkishke ie bolǵan. Ákimdiktegiler atalmysh kórsetkishti jaqsartý boiynsha sharalar jalǵasatynyn aitty. Jalpy aýdanda 2018 jylǵa satyp alý júrgizý úshin 4,8 mlrd teńge bólingen.
Sonymen birge ákimdikter men oblystyq basqarmalarǵa ótkiziletin memlekettik satyp alý jónindegi aqparatty internet-resýrstarǵa jariialaý jáne satyp alý ákimshilerine usynys retinde joldanatyn otandyq taýar óndirýshiler reestrin ázirleý men ony ákimdik saittaryn ornalastyrý jóninde usynystar berildi.
Aita keteiik, Otandyq taýar óndirýshilerge qoldaý kórsetý sheńberinde satyp alý salasyndaǵy jumys komissiiasynyń otyrystaryn Taldyqorǵan qalasynda apta saiyn ótkizip, onda ákimdikter men salalyq basqarmalardyń satyp alý salasy boiynsha jumystardy tyńdaý josparlanǵan. Ótken otyrysta Taldyqorǵan qalasy jáne Qaratal aýdanynyń ákimdikteriniń, oblystyq qurylys basqarmasynyń esepteri tyńdalǵan bolatyn.
