Talǵat Qýanyshev ForteBank-tiń basshysy bolyp taǵaiyndaldy. Ol óz erkimen qyzmetinen bosatylǵan Bekjan Pirmatovtyń ornyn basty. Al Pirmatovtiń "Vernyi Kapital" kompaniialar toby quramyndaǵy basqa laýazymdy qyzmetke aýysqany belgili boldy, dep habarlaidy Dalanews.kz.
Talǵat Qýanyshevtyń Qazaqstannyń qarjy sektorynda 30 jyldan astam jumys tájiribesi bar. Ol "ATFBank" AQ, "Bank Kassa Nova" AQ, "ATF Lizing" AQ jáne "ForteBank"AQ siiaqty qarjy institýttaryn tabysty basqardy. Ol 2015 jyly da ForteBank basqarmasynyń tóraǵasy bolǵan.
Aita ketsek, milliarder Bolat Ótemuratov banktiń majoritarly aktsioneri bolyp tabylady. Ol "Vernyi kapital" investitsiialyq tobynyń basqarýyndaǵy jobalardyń negizgi investory jáne ataýly qaiyrymdylyq qorynyń qyzmetine jetekshilik etedi. Sondai-aq ol Qazaqstan tennis federatsiiasynyń prezidenti jáne Halyqaralyq tennis federatsiiasynyń (International Tennis Federation) vitse-prezidenti bolyp tabylady. Onyń esimi ATF bank, Temirbank, Alians bank, Kassa Nova, ForteBank ataýlarymen qatar jii atalady.
2023 jyly Forbes nusqasy boiynsha onyń dáýleti 2,7 mlrd dollarǵa baǵalandy. Ótemuratov ForteBank aktsiialarynyń 83,41%-yna ie. Sondai-aq KaR-Tel (Qazaqstandaǵy Beeline operatory), altyn óndirýshi RG Gold kompaniialary, Astana men Venadaǵy Ritz-Carlton qonaq úileri, Máskeýdegi The Carlton, Rixos Borovoe kompaniiasy aktsiialarynda da onyń úlesi bar.
Buǵan deiin biz Bolat Ótemuratovqa tiesili mediaholding "Ádildik jáne órkendeý" qoǵamdyq qorynyń qolyna ótkenin jazǵan bolatynbyz.
