Almaty oblysynda Bolat Nazarbaevtyń 14 balasyna tiesili jer ýchaskesin memleket menshigine qaitarý máselesi sotta qaralmaq. Bul týraly sot qujattaryna silteme jasaǵan birqatar BAQ habarlady, dep habarlaidy dalanews.kz.
Málimetke sáikes, talap aryzdy Qarasai aýdanynyń prokýratýrasy bergen. Is boiynsha jaýapker retinde Qarasai aýdanynyń ákimi, aýdandyq jer qatynastary bólimi, sondai-aq birneshe kompaniia men Bolat Nazarbaevtyń otbasy músheleri kórsetilgen.
Jaýapkerler qatarynda Bolat Nazarbaevtyń jubaiy, uly Nurbol Nazarbaev jáne taǵy 13 balasy bar. Kámeletke tolmaǵandardyń múddesin sotta zańdy ókilderi qorǵaidy.
Sot materialdaryna sáikes, prokýratýra jer ýchaskesin satyp alý-satý sharttaryn jáne jerdi qabyldaý-tapsyrý aktilerin jaramsyz dep tanýdy surap otyr. Iste aty atalǵan kompaniialardyń biri – Kurylys LTD. Buǵan deiin bul kompaniia arqyly Bolat Nazarbaev Almatydaǵy «Altyn Orda» bazaryna ielik etkeni habarlanǵan bolatyn.
Ázirge sot qujattarynda jer teliminiń balalardyń menshigine qalai ótkendigi jáne mámileni jaramsyz dep tanýǵa qandai negiz bolǵany kórsetilmegen. Istiń mán-jaiy sot protsesi barysynda anyqtalýy múmkin.
Qazirgi ýaqytta azamattyq is óndiriske qabyldanǵan. Taraptar is materialdarymen tanysyp, óz dálelderi men túsiniktemelerin usynýda. Alǵashqy aldyn ala sot otyrysy tamyz aiynyń sońyna josparlanǵan. Osydan keiin sot isti qaraýdyń ári qaraiǵy tártibin aiqyndaidy.
